અમેરિકાની દવા બનાવતી કંપની મોર્ડનાએ કહ્યું છે કે, કોરોનાના નવા વેરિયન્ટ ઓમિક્રોન વિરૂદ્ઘ બૂસ્ટર ડોઝ તૈયાર કરશે. કંપની હાલ નવા આવેલા વેરિયન્ટ સામે લડવા માટે કામ કરી રહી છે.
કોરોનાના નવા વેરિયન્ટ ઓમિક્રોનની વચ્ચે રાહતના સમાચાર
મોર્ડના નવા વેરિયન્ટ ધ્યાનમાં લઈને વધુ અસરકાર રસી બનાવશે
હાલ બજારમાં ઉપલ્બધ રસીઓ કોરોનાના જુના સ્ટ્રેનના હિસાબે બની છે.
કોરોના નવા વેરિયન્ટ લઈને ખતરો વધતો જાય છે.
દક્ષિણ આફ્રિકામાં મળી આવેલા કોરોના વાયરસના નવા વેરિયન્ટ ઓમિક્રોનને લઈને ખતરો વધતો જાય છે. આ ડેલ્ટા વેરિયન્ટ થી વધુ ખતરનાક છે. અને મલ્ટી મ્યુટેશન સાથે શરીરમાં ઈમ્યુન સીસ્ટમ પણ નબળી પાડવાની ક્ષમતા રહેલી છે. જો કે, આ વચ્ચે એક મોટા રાહતના સમાચાર પણ આવ્યા છે કે, નિષ્ણાંતોના મત અનુસાર હાલ બજારમાં ઉપલ્બધ વેક્સિન ઓમિક્રોન વેરિયન્ટ પર અસરદાર રહી શકે છે. જો કે, વેક્સિનને લઈને વધુ ઈફેક્ટિવ બનાવવા માટે શોધની જરૂર છે.
મોર્ડના કોરોના નવા વેરિયન્ટ ધ્યાનમાં લઈને વધુ અસરકાર રસી બનાવશે
આ બાજુ અમેરિકાની દવા બનાવતી કંપની મોર્ડનાએ શુક્રવારે કહ્યું છે કે, કોરોનાના નવા વેરિયન્ટ ઓમિક્રોન વિરૂદ્ઘ બૂસ્ટર ડોઝ તૈયાર કરશે. મોર્ડનાએ કહ્યું કે, કંપની નવા આવેલા વેરિયન્ટ સામે લડવા માટે કામ કરી રહી છે. મોર્ડનાના CEO સ્ટેફન બૅન્સલે જણાવ્યું હતું કે, “નવું વેરિઅન્ટ Omicron ચિંતાનું કારણ છે. તેની સામે અમે અમારી વ્યૂહરચના શક્ય તેટલી વહેલી તકે અમલમાં મુકવામાં વ્યસ્ત છીએ.
દક્ષિણ આફ્રિકામાં મળ્યો નવો ઓમિક્રોન વેરિયન્ટ
કોરોનાના દક્ષિણ આફ્રિકામાં મળેલા ઓમિક્રોન (B.1.1.529) નામ આપવામાં આવ્યું છે. કહેવામાં આવી રહ્યું છે કે, આ વેરિયન્ટના કુલ 50 જેટલા મ્યુટેશન છે. જેમાં 30 તેના સ્પાઈક પ્રોટીનમાં છે. તેના લીધે આ ડેલ્ટા વેરિયન્ટથી વધુ ખતરનાક બતાવવામાં આવી રહ્યો છે. આ વેરિયન્ટના કારણે દક્ષિણ આફ્રિકામાં છેલ્લા એક સપ્તાહમાં નવા કેસોના પ્રમાણમાં 200 ટકા જેટલો વધારો થયો છે. દક્ષિણ આફ્રિકાથી નીકળીને આ વેરિયન્ટ હોંગકોંગ, ઈઝરાયલ, અને બોત્સવાના સુધી પહોચી ગયો છે.
ખૂબ જ ઝડપથી ફેલાયા છે આ નવો વેરિયન્ટ
વિશ્વ સ્વાસ્થ્ય સંગઠન (WHO)એ કહ્યું છે કે, ઓમિક્રોન બીજા વેરિયન્ટની તુલનામાં સૌથી ઝડપથી ફેલાઈ રહ્યો છે. આવામાં દુનિયાભરમાં આ વેરિયન્ટ ફેલાવવાનો ખતરો ફરી વધી ગયો છે.
કોરોનાના જુના સ્ટ્રેનના હિસાબે વેક્સિન બની છે.
અત્યાર સુધી, વિશ્વની તમામ રસીઓ ચીનમાં મળી આવેલા મૂળ વાયરસ અનુસાર બનાવવામાં આવી છે, પરંતુ આ તાણ તે મૂળ વાયરસથી અલગ છે. આવી સ્થિતિમાં, એવી આશંકા છે કે આ વેરિઅન્ટ પર હાલની રસીઓ ઓછી અસરકારક હોઈ શકે છે એટલે કે તેમની કાર્યક્ષમતા ઘટી શકે છે. જો કે આ અંગે હજુ સુધી કોઈ નક્કર માહિતી મળી નથી.