કોરોના વાયરસથી સૌથી વધારે પીડિત અમેરિકનોને સરકાર તરફથી રાહત મળવા જઈ રહી છે. ટ્રમ્પે જાહેરાત કરી છે કે સરકાર તરફથી તેમને મફતમાં કોરોનાની રસી આપવામાં આવશે.
ક્લીનિકલ ટ્રાયલની મંજૂરી મળ્યા બાદ રસીના કરોડો ડોઝનું વિતરણ કરાશે
6માંથી 1 રસી વર્ષના અંત સુધીમાં તૈયાર થઈ જશે
સંયુક્ત રાજ્યના સ્વાસ્થ્ય અધિકારીઓએ ગુરુવારે કહ્યું કે વેક્સીન અસરકારણ સાબિત થવાની સાથે તેનું મફત વિતરણ કરવામાં આવશે. અમેરિકાએ 6 વેક્સીન પરિયોજનાઓમાં 10 ડોલરથી વધારે રોકાણ કર્યુ છે અને તેના કરાર પર હસ્તાક્ષર કર્યા છે. જે મુજબ ક્લીનિકલ ટ્રાયલની મંજૂરી મળ્યા બાદ રસીના કરોડો ડોઝનું મફત વિતરણ કરાશે. જેનો ખર્ચ વીમા કંપનીઓ ઉઠાવશે.
વરિષ્ઠ સ્વાસ્થ્ય અધિકારી પોલ મેંગોએ કહ્યું કે અમે ખાનગી વીમા કંપનીઓ સાથે વાત કરી છે મોટા ભાગની આ માટે રાજી થઈ ગઈ છે. અમે જાન્યુઆરી 2012 સુધીમાં કરોડો ડોઝ આપવાની રાહ પર છીએ. ત્યારે નેશનલ ઈન્સ્ટીટ્યૂટ ઓફ હેલ્થના ડાયરેક્ટર ફ્રાન્સિસ કોલિંસે કહ્યું કે તેમના આશા છે કે અમેરિકા સરકાર દ્વારા સમર્થન પામેલી 6માંથી 1 રસી વર્ષના અંત સુધીમાં તૈયાર થઈ જશે.
અમેરિકા દુનિયામાં સૌથી વધારે કોરોનાથી અસરગ્રસ્ત છે. જેને કારણે લોકોને આર્થિક ફટકો પણ પડ્યો છે. તેને પહોંચી વળવા દરેક દેશમાં રસી વિકસાવવામાં આવી રહી છે. જેમાં રશિયાએ રસી તૈયાર કરી દીધી છે જો કે WHO અને અમેરિકા એ વાત માનવા તૈયાર નથી. જેને લઈને અમેરિકાના સંક્રમિત રોગોના વિશેષજ્ઞ એન્થોની ફૌસીએ કહ્યું કે, આશા રાખુ છું કે રુસ જે કહી રહ્યું હોય તે સાચુ હોય પણ મને શંકા છે.’