અમેરિકાએ એકવાર ફરી ભારતમાં કોવિડ વેક્સિન નિર્માણમાં ઉપયોગમાં લેવાતા કાચા માલની નિકાસ પર પ્રતિબંધો હટાવવાનો ઇન્કાર કર્યો છે.
ભારતને કોરોના વેક્સિન બનાવવાનો કાચો માલ નહીં આપે અમેરિકા
રાષ્ટ્રપતિ ડોનાલ્ડ ટ્રમ્પની અપીલ પર હાઈડ્રોક્સીક્લોરોક્વીનની કરોડો ટેબલેટ્સ આપી હતી
ભારતને વેક્સિન પ્રોડક્શન વધારવા માટે કાચા માલની નિકાસ પર અમેરિકાનો ઇન્કાર
અમેરિકન વિદેશ મંત્રાલયના પ્રવક્તાએ કહ્યું કે, અમે ભારતની અપીલને પૂરી કરતા પહેલા પોતાના નાગરિકોને પ્રાથમિકતા આપીશું. તેમણે એ પણ કહ્યું કે, અમેરિકાના લોકો પ્રત્યે અમારી વિશેષ જવાબદારી છે. ભારતમાં વધી રહેલી કોવિડની સુનામી વચ્ચે સહાયતાની અપીલ છતા મદદથી ઇન્કાર કરવાનો વૈશ્વિક પ્રભાવ જોવા મળી શકે છે.
ભારતનું અહેસાન ભૂલ્યું અમેરિકા
અમેરિકા જ્યારે ગત વર્ષે કોરોના વાયરસના સંક્રમણથી સૌથી વધુ પીડિત હતો, ત્યારે ભારતે તાત્કાલિક રાષ્ટ્રપતિ ડોનાલ્ડ ટ્રમ્પની અપીલ પર હાઈડ્રોક્સીક્લોરોક્વીનની કરોડો ટેબલેટ્સ આપી હતી. પરંતુ અમેરિકાએ જૂના ઉપકારને ભૂલતા મુશ્કેલીના સમયમાં ભારતને વેક્સિન પ્રોડક્શન વધારવા માટે કાચા માલની નિકાસ પર ઇન્કાર કરી દીધો છે.
શું ભારતીયો માટે રસીકરણ ઓછું મહત્વપૂર્ણ?
અમેરિકી વિદેશ વિભાગના પ્રવક્તાએ દલીલ કરી કે શંકા વિના આ અમારા હિતમાં નથી કે અમેરિકાના લોકો વેક્સિનેટ થાય, પરંતુ આ બાકી દુનિયા માટે પણ લાભદાયી નિર્ણય છે. ભારતીય વિદેશ મંત્રી એસ. જયશંકરે પણ અમેરિકન વિદેશ મંત્રી એન્ટની બ્લિંકેનની સાથે વેક્સિનના કાચા માલને લઇને અનેક વખત વાત કરી છે. ભારતીય વિદેશ સચિવ હર્ષ શ્રૃંગલાએ અમેરિકન ઉપ સચિવ વેન્ડી શેરમન સાથે પણ પ્રતિબંધો હટાવવાની અપીલ કરી છે.