Coronavirus / અમેરિકા બેબાકળુઃ અહીં કોરોનાએ 24 કલાકમાં 1325 નો ભોગ લીધો, જ્યારે 30820 નવા કેસ નોંધાયા

• અમેરિકામાં 24 કલાકમાં અધધ  કેસ નોંધાયા
• 24 કલાકમાં 1325 મોત, અમેરિકાએ ભારતને આપી ધમકી
• અમેરિકાના ન્યૂયોર્કની સ્થિતિ ગંભીર

અમેરિકા કોરોના કહેર સામે ઘૂંટણીએ આવ્યું છે. અહીં કોરોનાનો કહેર દિવસેને દિવસે વધી રહ્યો છે.   24 કલાકમાં 1325ના જીવ ગયા છે. જ્યારે 30820 નવા કેસ નોંધાયા છે. અમેરિકામાં મૃત્યુઆંક 10,943એ પહોંચ્યો છે. તો 367,650 લોકો કોરોના ગ્રસ્ત થયા છે. જ્યારે સાજા થનારી સંખ્યા 19,810 છે. અહીં આજદીન સુધી 336,897  એક્ટિવ કેસ છે. ઉલ્લેખનીય છે કે અહીં જાન્યુઆરીમાં કોરોનાનો પહેલો કેસ આવ્યો હતો.

અમેરિકાના રાષ્ટ્રપતિ ડોનાલ્ડ ટ્રમ્પે એકવાર ફરી ભારત પાસે હાઇડ્રોક્સિક્લોરોક્વિનના જથ્થાની મદદની આશા વ્યક્ત કરતા ધમકી આપી દીધી હતી. તેમણે મીડિયાને સંબોધન કરતા કહ્યું કે મે પ્રધાનમંત્રી મોદીએ રવિવારે સવારે આ મુદ્દા પર વાત કરી હતી.  જો તેઓ દવાનો જથ્થો મોકલવા પગલા ભરે છે તો અમે તેમના આ કામના વખાણ કરીશું. પણ  જો તેઓ મદદ નહી કરે તો કોઈ વાંધો નહી, પરંતુ તેઓ તેના ખરાબ પરિણામ માટે તૈયાર રહે એમ પણ કહી દીધુ હતુ. અમેરિકા કોરોનાના કહેરને લીધે બેબાકળુ થઈ ગયું છે. 

અમેરિકામાં ન્યૂયોર્ક કોરોનાનું એપીસેન્ટર બન્યુ છે. અહીં અત્યાર સુધીમાં 4750 કરતા પણ વધારે મોત નિપજ્યા છે. અહીં 29 એપ્રિલ સુધી લોકડાઉન વધારે દેવામાં આવ્યું છે. ગવર્નર એન્ડ્ર્યૂ કુઓમોએ આની જાણકારી આપી હતી. ન્યૂયોર્કમાં 2,3 અને 4 એપ્રિલમાં 24 કલાકમાં સૌથી વઘારે મોત નિપજ્યા હતા. અહીં 562 લોકોના મોત થયા હતા. જ્યારે 4 એપ્રિલે 630 લોકોના મોત નિપજ્યા હતા.

ઉલ્લેખનીય છે કે ન્યૂયોર્કના ગવર્નર કુઓમોએ કહ્યું હતું કે હોસ્પિટલ સરકારી હોય કે ખાનગી દરેક જગ્યાએ ઈમરજન્સી વ્યવસ્થા રાખવી જોઈએ. જેથી પરિસ્થિતિને પહોંચી વળાય. તેમણે માસ્ક અને ગાઉનનો પુરવઠો રાખવા સૂચન કર્યુ છે. અમેરિકન સર્જન જનરલ જેરોમ એડમ્સે ચેતવતા કહ્યું હતુ કે અમેરિકા આવનારા અઠવાડિયામાં થનારી મોતની સંખ્યા પર્લ હાર્બર એટલે કે 9/11  જેટલા હશે. સત્તાધીશો તેની પુરી તૈયારી રાખે. 

યુરોપના દેશો સૌથી વધારે પ્રભાવિત છે. જોકે હાલ તેના આંકડામાં ઘટાડો નોંધાયી રહ્યો છે. જ્યારે અમેરિકાનો આંકડો સતત વધી રહ્યો છે. 

દુનિયાભરમાં કોરોના વાયરસની સ્થિતિ પર નજર રાખી રહેલી હૉપકિન્સ યુનિવર્સિટીના જણાવ્યાનું સાર  ઈટલીમાં કોરોનાને લીધે 16,523ના મોત નિપજ્યા છે. જ્યાકે સ્પેનમાં 13,055 લોકોના મોત નિપજ્યા છે. ફ્રાન્સમા 8911 અને બ્રિટનમાં 5373 લોકોના જીવ ગયા છે.