ભારતીય નૌસેના / ભારત સામે આંખ ઊંચી કરતા પણ વિચાર કરશે દુશ્મનો, અમેરિકા પાસેથી ખરીદ્યા 24 હેલિકોપ્ટર

• ભારત અમેરિકા વચ્ચે મૈત્રી થશે મજબૂત
• ભારતને આ અગાઉ અમેરિકી નૌસેના તરફથી મળ્યા હતા બે હેલિકોપ્ટર 
• ભારતીય નૌસેના 24 હેલિકોપ્ટર ખરીદશે 

24 હેલિકોપ્ટર ખરીદવા જઈ રહ્યું છે ભારત 
ભારત-અમેરિકા વચ્ચે મૈત્રી મજબૂત કરવાના સંકેતો આપતા અમેરિકાએ ભારતીય નૌસેનાને અગાઉ એમ એચ-60 મલ્ટી રોલ હેલિકોપ્ટર સોંપ્યા હતા. આ હેલિકોપ્ટરના આવ્યા બાદ ભારતીય નૌસેનાની ટાંકટમાં વધારો થશે. ભારતીય નૌસેના અમેરિકી સરકાર પાસેથી લોકહીડ માર્ટિન દ્વારા નિર્માણ પામેલા 24 હેલિકોપ્ટર્સ ખરીદી રહી છે જેની કુલ કિંમત અંદાજે 2.4 અબજ ડોલર જેટલી થાય છે. 

ભારત અમેરિકાની દોસ્તી નવી ઊંચાઈએ 
સેન ડીએગોના દરિયાઈ હવાઈ સ્ટેશન નોર્થ આઇલેન્ડ કે એનએએસ નોર્થ આઇલેન્ડમાં શુક્રવારે યોજાયેલ કાર્યક્રમમાં અમેરિકી નૌસેનાએ ભારતીય નૌસેનાને ઔપચારિક રૂપે હેલિકોપ્ટર સોંપ્યા હતા. આ કાર્યક્રમમાં અમેરિકા સ્થિત ભારતીય રાજદૂત તરણસિંહ સંધુ પણ હાજર રહ્યા હતા. સંધુએ કહ્યું હતું કે ભારતીય હવામાનમાં કામ કરિ શકે એવા મલ્ટી રોલ હેલિકોપ્ટરના આગમનથી ભારત-અમેરિકાના દ્વિપક્ષીય રક્ષા સંબંધો અચૂક મજબૂત થશે. એમને ટ્વિટ કરીને જણાવ્યું હતું કે 'ભારત-અમેરિકાની દોસ્તી નવી ઊંચાઈઓ હાંસલ કરી રહી છે.'

વિદેશી રોકાણકારો માટે અવસર 
તેમણે જણાવ્યું હતું કે દ્વિપક્ષીય રક્ષા વ્યાપાર છેલ્લા કેટલાક વર્ષોમાં 20 અબજ ડોલરથી વધારે વિકાસ પામ્યો છે. આ સિવાય ભારત અને અમેરિકાના સંરક્ષણ વિભાગ પણ સાથે મળીને વિકાસ કરવા માટે તત્પર છે. તરણસિંહ સંધુએ છેલ્લા કેટલાક સમયમાં સંરક્ષણ ક્ષેત્રમાં ભારત દ્વારા લેવામાં આવેલા સુધારાવાદી પગલાંઓનો ઉલ્લેખ કર્યો હતો જેનાં કારણે વિદેશી રોકાણકારો માટે નવા અવસર ઊભા થઇ રહ્યા છે.   

દુશ્મનો સામે ભારતને કરશે મજબૂત 
એમએચ-60 આર હેલિકોપ્ટર તમામ પ્રકારની આબોહવામાં કામ કરી શકતા હેલિકોપ્ટર છે. જે નવી ઉડ્ડયન ટેકનિક ધરાવે છે. સાથેસાથે તે ઘણાબધા મિશનને ટેકો આપવા માટે નિર્માણ પામ્યા છે. ચોક્કસથી આ એમઆરએચનો સમાવેશ ભારતીય નૌસેનની ત્રિ-પરિમાણીય ક્ષમતામાં વધારો કરશે. આ ઉપરાંત આ હેલિકોપ્ટર ઘણા વિશિષ્ટ ઉપકરણો અને શસ્ત્રોથી પણ સજ્જ હશે. ભારતીય ક્રૂની પ્રથમ બેચ હાલમાં યુ.એસ. માં વિશેષ તાલીમ લઇ રહી છે.

અમેરિકાનાં પૂર્વ રાષ્ટ્રપતિ ડોનાલ્ડ ટ્રમ્પની ઐતિહાસિક મુલાકાતની આસપાસ, ફેબ્રુઆરી 2020 માં ભારત સરકારે હેલિકોપ્ટર ખરીદવાની મંજૂરી આપી હતી. સંરક્ષણ વિભાગના જણાવ્યા અનુસાર સૂચિત વેચાણ ભારતની જળસપાટી અને એન્ટિ-સબમરીન યુદ્ધ ક્ષમતામાં વધારો કરશે. આ ક્ષમતાઓનો ઉપયોગ પ્રાદેશિક જોખમોનો સામનો કરવા,દુશ્મન દેશો સામે મજબૂત સ્થાન મેળવવા અને તેના દેશના સંરક્ષણને મજબૂત બનાવવા માટે કરશે.