World / અમેરિકા પહોંચવાના અભરખા; મેક્સિકોની આ અધધ લાંબી ટનલ સીધી અમેરિકા પહોંચાડે છે

આ ટનલમાં રેલ કાર્ટ સિસ્ટમ, એર વૅન્ટીલેશન, હાઈ વોલ્ટેજ ઇલેક્ટ્રિક કેબલ, લિફ્ટ અને ડ્રેનેજ સિસ્ટમની સવલતો છે. આ ટનલની લંબાઈ 14 ફૂટબૉલ ગ્રાઉન્ડ જેટલી છે જેનાથી અમેરિકાના સત્તાધીશો સ્તબ્ધ થઇ ગયા છે. જો કે આ ટનલમાંથી હજુ સુધી કોઈ ડ્રગ્સ કે આરોપી મળી આવ્યા નથી. 

ડોનાલ્ડ ટ્રમ્પની મેક્સિકો દીવાલની સુરક્ષા ઉપર પ્રશ્નાર્થ

આ ટનલ મળવાથી ડોનાલ્ડ ટ્રમ્પના મેક્સિકોની સરહદ પર દીવાલ બનાવવાના આઈડિયા ઉપર પ્રશ્નાર્થ મુકાઈ ગયો હતો કારણ કે જો આવી ટનલ અંડર ગ્રાઉન્ડ બનાવાયેલી હશે તો દીવાલની સુરક્ષા અર્થહીન થઇ જશે. 

નોંધનીય છે કે આ ટનલ જમીનથી પુરા 21 મીટર અંડરગ્રાઉન્ડ છે.

આ પહેલા 2014માં આ જ વિસ્તારમાં 904 મીટર લાંબી ટનલ મળી આવી હતી.

આ નવી ટનલ 1.68 મીટર ઊંચી છે અને 60 સેન્ટિમીટર પહોળી છે. આ ટનલ સેન ડિએગોના ઓટે મેસા ઇન્ડસ્ટ્રીયલ વેરહાઉસ વિસ્તારમાં એકથી વધુ છેડાઓ ઉપર ખુલે છે અને ખુલ્લા ખેતરોમાં ખૂલે છે. ટનલની હાલની સ્થિતિને જોતા અધિકારીઓનું માનવું છે કે સ્મગ્લર્સ આ ટનલને હજુ એક કિમી વધુ લાંબી કરવાની કવાયત કરી રહ્યા હતા. 

હવે આ ટનલ સાથે શું કરવામાં આવશે?

કેન્દ્રીય કાયદા પ્રમાણે USAમાં આવી ટનલ દેખાતાની સાથે જ તેને કોન્ક્રીટથી પુરી દેવામાં આવે છે. નોંધનીય છે કે 2006થી કેલિફોર્નિયામાં જ આવી 15 ટનલ મળી આવી છે. આ ટનલ જે વિસ્તારમાં ખૂલે છે તેની માટી પણ ખોદકામ માટે અનુકૂળ અને પોચી છે.