અમેરિકી સેનેટમાં પાકિસ્તાનને સ્ટેટ સ્પોન્સર ઓફ ટેરરિઝ્મ ઘોષિત કરવા અને પાકિસ્તાન પર રશિયા જેવા પ્રતિબંધો લગાવાનો પ્રસ્તાવ લાવવામાં આવ્યો છે.
રશિયાને સપોર્ટ કરી પાકિસ્તાન ભરાઈ ગયું
અમેરિકા લઈ રહ્યું છે મોટી એક્શન
ફડફડવા લાગ્યા ઈમરાન ખાન
રશિયા બાદ અમેરિકાના નિશાન પર પાકિસ્તાન ચડ્યું છે. અમેરિકી સેનેટમાં પાકિસ્તાનને સ્ટેટ સ્પોન્સર ઓફ ટેરરિઝ્મ ઘોષિત કરવા અને પાકિસ્તાન પર રશિયા જેવા પ્રતિબંધો લગાવાનો પ્રસ્તાવ લાવવામાં આવ્યો છે. આ પ્રસ્તાવ પર સેનેટના વિદેશ મામલાની સમિતિ ટૂંક સમયમાં પોતાનો ચુકાદો સંભળાવશે. એવુ કહેવાય છે કે, સમિતિ આ પ્રસ્તાવ પર સહમતિ આપવા જઈ રહ્યું છે. કારણ કે, ભલે મામલો અફઘાનિસ્તાન હોય કે હવે યુક્રેન રશિયા જંગનો, પાકિસ્તાને અત્યાર સુધીમાં જે પણ પગલા ઉઠાવ્યા છે, તે અમેરિકાની વિરુદ્ધમાં છે.
પાકિસ્તાન ભેખડે ભરાશે
અમેરિકી સાંસદોએ કહ્યું કે, પાકિસ્તાન સાથે તમામ પ્રકારના મિલિટરી સંબંધો ખતમ કરી દેવા જોઈએ. પાકિસ્તાનને અમેરિકાથી સૈન્ય કરાર અંતર્ગત આપવામાં આવતી મદદ પર પણ રોક લગાવી દેવી જોઈએ. અમેરિકી સાંસદ સ્કોટ પૈરીએ સદનમાં એક બિલ રજૂ કર્યું છે, જેનો મૂળ ઉદ્દેશ્ય પાકિસ્તાનને આંતકી દેશ જાહેર કરવાની માગ છે.
પાકિસ્તાનને મદદ પર લાગી શકે છે પ્રતિબંધ
સ્કોટ પૈરી ઉપરાંત બે અન્ય સાંસદોએ જે બિલ રજૂ કર્યું છે, તેમાં પાકિસ્તાની રાજદૂત મસૂદ ખાનને આતંકી ગૂટ સાથે સંબંધ ધરાવવા પર ચિંતા વ્યક્ત કરી છે. આ સાંસદોએ બાઈન સરકાર પાસે માગ કરી છે કે, પાકિસ્તાનની સાથે વેપારીક સંબંધો પર પ્રતિબંધ લગાવામાં આવે. એટલુ જ નહીં અમેરિકી સરકારે આ બિલોના માધ્યમથી પાકિસ્તાન પર એવા જ પ્રતિબંધો લગાવા જઈ રહ્યું છે, જેવા ઉત્તર કોરિયા, ઈરાન, સીરિયા અને ક્યૂબા પર લગાવ્યા છે.
ઈમરાન સરકાર ફફડાટમાં આવી
ધ્યાન આપનારી બાબત એ છે કે, હજૂ તો અમેરિકી સંસદમાં પાકિસ્તાન વિરુદ્ધ પ્રતિબંધો લગાવાની ચર્ચા શરૂ થઈ ત્યાં ઈમરાન સરકાર ફડફડવા લાગી છે. હકીકતમાં જોઈએ તો, પાકિસ્તાને અમેરિકામાં જે પોતાના રાજદૂત બનાવીને મોકલ્યા છે, તેના સંબંધો કાશ્મીરી આતંકીઓ ઉપરાંત અન્ય આતંકી સંગઠનો સાથે છે. તેના પુરાવા અમેરિકા પાકિસ્તાનને આપી ચુક્યું છે. હાલમાં જે ત્રણ સાંસદોએ સદનમાં પ્રસ્તાવ રજૂ કર્યો હતો, તેમણે પાકિસ્તાની રાજદૂતની અમેરિકા કાયદા અંતર્ગત તપાસ કરવાની માગ કરી છે. તેમણે કહ્યું કે, પાકિસ્તાની રાજદૂત મસૂદ ખાનના સંબંધો અમેરિકામાં એક્ટિવ કટ્ટરપંથી મુસ્લિમ સમૂહ અને સંગઠનો સાથે છે. આ હાલતોમાં મસૂદ ખાનની અમેરિકામાં હાજરી ખતરનાક સાબિત થઈ શકે છે.