અમેરિકાના બે પ્રભાવશાળી ડેમોક્રેટિક સાંસદોએ પાકિસ્તાનને ભારત વિરુદ્ધ 'બદલાની ભાવનાથી કોઇપણ કાર્યવાહી' કરવાથી બચવા અને પાકિસ્તાનમાં આંતકી સમૂહો વિરુદ્ધ 'ઠોસ કાર્યવાહી' કરવા કહ્યું છે. પાકિસ્કતાને જમ્મૂ કાશ્મીરનો વિશેષ દરજ્જો હટાવવાના ભારતના પગલાને 'એકતરફી અને ગેરકાનૂની' બતાવ્યો હતો.
પાકિસ્તાને ભારતના પગલા વિરુદ્ધ બુધવારે ભારતના હાઇ કમિશ્નર અજય બિસારિયાને હાંકી કાઢ્યા હતા અને નવી દિલ્હી સાથે રાજદ્વારી સંબંધોને તોડી નાંખ્યા હતા. સેનેટર રોબર્ટ મેનેન્દેજ અને કોંગ્રેસ સભ્ય ઇલિયટ એન્જેલે બુધવારે એક સંયુક્ત નિવેદનમાં જમ્મૂ કાશ્મીર પર લેવામાં આવેલ પગલા પર ચિંતા દર્શાવી. મેનેન્દેજ સેનેટરની વિદેશ સંબંધોની સમિતિના ટોચના સભ્ય છે. જ્યારે એન્જેલ ગૃહના વિદેશ મામલાની સમિતિના અધ્યક્ષ છે.
એમણે એક નિવેદનમાં કહ્યું કે, '' પાકિસ્તાને નિયંત્રણ રેખા પર ઘુસણખોરી કરવામાં મદદ સહિત કોઇપણ પ્રકારની બદલાની કાર્યવાહીથી બચવું જોઇેએ અને પાકિસ્તાનની જમીન પર આંતકવાદી ઢાંચા વિરુદ્ધ કડક કાર્યવાહી કરવી જોઇએ.''
જમ્મૂ કાશ્મીરમાં નજરબંધ અને પ્રતિબંધો પર ચિંતા દર્શાવતા સાંસદોએ કહ્યું કે દુનિયાનું સૌથી મોટું લોકતંત્ર હોવાના નાતે ભારત પાસે પોતાના તમામ નાગરિકોને વિધાનસભાની આઝાદી, સૂચના મેળવવી અને કાનૂન હેઠળ સમાન સંરક્ષણ સહિત સમાન અધિકારોની રક્ષા કરવી તથા એમનો પ્રચાર કરવાની મહત્વતા બતાવવાનો અવસર છે.
એમણે કહ્યું કે, ''પારદર્શિતા અને રાજનૈતિક ભાગીદારી પ્રતિનિધિ લોકતંત્રોની આધારશિલા છે અને અમે આશા રાખીએ છીએ કે ભારત સરકાર જમ્મૂ કાશ્મીમાં આ સિદ્ધાંતોનું પાલન કરશે.''