મહામારી / જો બાઈડને ફરી વચન દોહરાવ્યું, કહ્યું- 'કોરોના સંકટમાં ભારત અમારી સાથે ઉભું હતું, અમે તાત્કાલિક ભારતને...'

• જો બાઈડને ફરી એક વાર ભારતની મદદની વાત કરી
• તાત્કાલિક ભારતને મદદ કરવાની સમગ્ર હારમાળ મોકલી રહ્યા છીએઃ જો બાઈડને
• સોમવારે બાઈડન અને પ્રધાનમંત્રી મોદી વચ્ચે વાતચીત થઇ હતી

અમેરિકન રાષ્ટ્રપતિ જો બાઈડને કહ્યું કે, અમેરિકા કોવિડ-19 વિરૂદ્ધ જંગમાં ભારતને તમામ મદદ સમગ્ર હારમાળ મોકલી રહ્યું છે. તેમણે કહ્યું કે, ગત વર્ષ જરૂરિયાતના સમયે ભારત પણ અમેરિકા સાથે ઉભુ રહ્યું હતું. ગત સોમવારે બાઈડન અને પ્રધાનમંત્રી મોદી વચ્ચે વાતચીત થઇ હતી.

વ્હાઇટ હાઉસમાં મંગળવારે થયેલી ન્યૂઝ કોન્ફરન્સમાં જો બાઇડને પત્રકારોને કહ્યું કે, અમે તાત્કાલિક અસરથી મદદની સમગ્ર શ્રૃંખલા મોકલી રહ્યા છીએ, જેની તેમને જરૂરિયાત છે. જેમાં આનાથી લડવાની ક્ષમતાવાળા રેમડેસિવિર અને અન્ય ડ્રગ્સ પણ સામેલ છે. 

તેમણે કહ્યું કે, અમે વાસ્તવિક મિકેનિકલ પાર્ટ્સ મોકલી રહ્યા છીએ, જેની તેમને વેક્સિન બનાવવા માટે જરૂરિયાત છે. તેમણે માહિતી આપી છે કે પીએમ મોદીની સાથે આના પર વાત પણ થઇ ચૂકી છે કે અમેરિકા ભારતને વેક્સિન ઉપલબ્ધ કરાવી શકશે.

હાલ ભારતમાં કોરોના વાયરસની બીજી લહેર ચાલી રહી છે. દેશમાં રોજ મળી રહેલા સંક્રમણના કેસોના આંકડા 3 લાખને પાર થઇ ચૂક્યા છે. તેવામાં ભારતમાં દર્દીઓની સંખ્યાને લઇને સ્વાસ્થ્ય વ્યવસ્થા કથળી રહી છે. જોકે, અમેરિકા સિવાય બ્રિટેન અને યૂરોપિયન યૂનિયને ભારતની મદદ માટે હાથ આગળ વધાર્યો છે. ત્યારે પાડોશી દેશ પાકિસ્તાને પણ મદદની વાત કરી છે.

કોરોના સંકટથી લડવા માટે કેટલાક દેશો ભારતની મદદ માટે હાથ લંબાવ્યો છે. સરકારે દેશના અલગ અલગ ભાગોમાં સંસ્થાઓને સ્વાસ્થ્ય જરૂરિયાતોના વિતરણની પ્રક્રિયાના સમન્વય માટે એક ઉચ્ચ સ્તરીય એક ટીમની રચના કરવામાં આવી છે. ફ્રાંસ, જર્મની, ઑસ્ટ્રેલિયા, આયરલેન્ડ, બેલ્જિયમ, રોમાનિયા, લક્સમબર્ગ, પુર્તગાલ અને સ્વીડન સહિત કેટલાક દેશોને ભારતને મદદ કરવાની જાહેરાત કરી છે.