નિવેદન / ઈરાની કમાંડર સુલેમાની કેવી રીતે મર્યો? જાણો 2 મિનિટ અને 11 સેકન્ડમાં શું થયું...

• સુલેમાની આ રીતે મર્યો, મરતા સમયે કોની સાથે હતો
• ટ્રમ્પે એક કાર્યક્રમમાં કર્યું વર્ણન કહ્યું લાઈવ માહિતી મેળવી છે
• છેલ્લી 30 સેકન્ડમાં આખરી ઓપ અપ્યો

ટ્રમ્પે કહ્યું સુલેમાનીનાં મોતનો નજારો અમે જોયો હતો

રિપબ્લિકન પાર્ટીનું ભંડોળ ભેગું કરવા માટે એક ડિનર કાર્યક્રમનું આયોજન કરવામાં આવ્યું હતું. જેમાં ટ્રમ્પે જણાવ્યું કે ઈરાનનાં ટોપ જનરલ હુમલા પહેલા દેશ વિશે ગમે તેમ બફાટ કરી રહ્યાં હતાં. એટલા માટે તેને મારવાનો આદેશ કરવો પડ્યો હતો. ટ્રમ્પે પોતાનાં સંબોધનમાં કહ્યું કે ‘આપણે તેને કેટલો સહન કરતા’ટ્રમ્પે એમ પણ કહ્યું કે સુલેમાનીનાં મોતનો નજારો અમે જોયો હતો. સાથે સાથે તેમણે એક પામ બીચ પર આયોજીત કરાયેલા એક સમારોહનો ઉલ્લેખ પણ કર્યો હતો.

અમેરિકી સેનાંએ કહ્યું સુલેમાની સાથે એ પણ છે....

ટ્રમ્પનાં કહેવા પ્રમાણે આ ઓપરેશનમાં 2 મિનિટ 11 સેકન્ડ લાગ્યાં હતાં. આ ઘટનાનું રજે રજનું લાઈવ રિપોર્ટિંગ વ્હાઈટ હાઉસમાં આવેલા વોલ રુમમાં કરવામાં આવ્યું હતું. એક સેનાં અધિકારીએ ટ્રમ્પને રિપોર્ટીંગ કરતા સુલેમાની અને ઈરાકી શિયા મિલિશિયાનાં ઉપ પ્રમુખ સાથે હોવાની વાત કરી હતી. તેમજ અધિકારીએ 2 મિનિટ 11 સેકન્ટનો સમય છે સુલેમાની હથિયાર ભરેલી કારમાં  છે. ટ્રમ્પે વાત આગળ વધારતા કહ્યું કે 30 સેકન્ડ 10, 9,8 અને ધમાકો થયો હતો. અમેરિકાનાં કોઈ રાષ્ટ્રપતિએ સેનાની કામગીરીને પહેલીવાર સાર્વજનિક કરી છે. જોકે તેમની ટીકા પણ થઈ રહી છે.