ચીનના જે વુહાન શહેરથી આખી દુનિયામાં કોરોના વાયરસ મહામારી ફેલાઇ, હવે ત્યાં સ્થિતિ સામાન્ય બની ગઇ છે. હવે કોરોના વાયરસ ચીનને છોડીને બાકીની દુનિયા પર કહેર વરસાવી રહ્યો છે. ચીને દુનિયાને ઘણા લાંબા સમય સુધી આ ખતરનાક વાયરસને લઇને અંધારામાં રાખી.
ચીને ખતરનાક વાયરસને લઇને દુનિયાને અંધારામાં રાખી
US ન્યૂઝ ચેનલનો દાવો, યૂએસ ઇન્ટેલિઝન્સે આપી હતી મહામારીની ચેતવણી
એક અમેરિકી ન્યૂઝ ચેનલ એબીસી ન્યૂઝને દાવો કર્યો છે કે યૂએસ ઇન્ટેલિઝન્સ અધિકારીઓએ ગત વર્ષે નવેમ્બરના અંત સુધીમાં ચીનથી 'પ્રલય'ની જેમ મહામારી ફેલાવાની ચેતવણી આપી હતી.
આ દાવા બાદ પેઇચિંગની ભૂમિકા સવાલોના ઘેરામાં છે. જો વિદેશી ઇન્ટેલિજન્સ એજન્સીઓને પમ મહામારીના વિકરાળ થવાનો અંદાજો હતો તો ચીનને આ કેમ ન થયો? શું ચીન પોતાની અર્થવ્યવસ્થા બચાવવા માટે વાયરસને લઇને ખોટુ બોલી રહ્યું હતું અને તેના આમ સ્વાર્થી વલણથી દુનિયાભરમાં મહામારી ફેલાઇ?
US ઇન્ટેલિજન્સ રિપોર્ટથી ખુલી ચીનની પોલ
કોરોના વાયરસ મહામારીની વચ્ચે ચીન પર આરોપ લાગતા રહ્યા છે કે શરૂઆતથી જ તે આખી દુનિયાથી સત્ય છુપાવતું રહ્યું છે. એમ જાણવા મળ્યા બાદ પણ કે વાયરસ ખુબજ ઘાતક છે અને માણસથી માણસની વચ્ચે ફેલાઇ રહ્યો છે, ચીને ખુદ પોતાના નાગરિકો અને દુનિયાથી આ સત્ય છુપાવ્યું કે આ વધારે ખતરનાક નથી.
31 ડિસેમ્બરે ચીનને WHOને રહસ્યમય રીતે બીમારીની આપી હતી જાણકારી
31 ડિસેમ્બરે ચીને પહેલીવાર વિશ્વ સ્વાસ્થ્ય સંગઠનને ન્યૂમોનિયા જેવી રહસ્યમય બીમારી વિશે જણાવ્યું હતું. 7મી જાન્યુઆરીએ તેણે પહેલીવાર કોરોના વાયરસની પુષ્ટી કરી. સ્થિતિ વધુ વણસી જતા 23 જાન્યુઆરીએ તેણે વુહાનને કડક લૉકડાઉનમાં નાંખી દીધું. જોકે ત્યાં સુધીમાં વાયરસ દુનિયાના તમામ દેશોમાં ફેલાઇ ચૂક્યો હતો. ત્યારે સવાલ ઉભો થાય છે કે શું ચીને માત્ર એટલા માટે સત્ય છુપાવતુ રહ્યું કે ખતરનાક વાયરસની સચ્ચાઇ બહાર આવ્યા બાદ દુનિયાભરના દેશ આયાત રોકી દેશે, વિદેશથી લોકો તેના ત્યા આવવાથી બચશે અને તેની ઇકોનોમીને નુકશાન પહોંચશે? યૂએસ ઇન્ટેલિજન્સની રિપોર્ટથી થયેલો ખુલાસો ક્યાંકને ક્યાંક ચીનના ગૂનાની પોલ ખોલી રહ્યું છે.