અહેવાલ / US રિપોર્ટમાં આગાહી: ભારતનું પાકિસ્તાન સાથે યુદ્ધ તો નહીં થાય પરંતુ... 

• અમેરિકન ગુપ્તચર રિપોર્ટમાં કરાઇ મોટી વાત 
• મોદી સરકારના વદપણ વાળું ભારત લશ્કરી કાર્યવાહી માટે પહેલાથી વધુ તત્પર 
• પાકિસ્તાન અને ભારત વચ્ચે યુદ્ધ નહીં પણ ટકરાવ વધી શકે છે 

અમેરિકાના ગુપ્તચર અહેવાલમાં ભારતના પાડોશી દેશો ચીન અને પાકિસ્તાન સાથે ભારતના બદલાતા જતાં સંબંધોની આગાહી કરવામાં આવી છે. તેમાં કહેવામાં આવ્યું છે કે ભારત અને પાકિસ્તાન વચ્ચે યુદ્ધ થવાનું નથી, પરંતુ બંને દેશો વચ્ચે ટકરાવ વધશે અને તણાવ ઊભોથઈ શકે છે. આ અહેવાલમાં એમ પણ કહેવામાં આવ્યું છે કે પીએમ મોદીના નેતૃત્વ હેઠળ ભારત પાકિસ્તાનની ઉશ્કેરણી સામે લશ્કરી કાર્યવાહી કરવા પહેલાથી વધુ તત્પર કછે. અહેવાલમાં એમ પણ કહેવામાં આવ્યું છે કે એલએસીમાંથી કેટલાક સૈનિકોની પાછી ખેંચી લેવા છતાં, ભારત અને ચીન વચ્ચે તણાવ હજુ પણ યથાવત્ છે.

પરમાણુ શક્તિ દેશો વચ્ચે તણાવથી ટકરાવ વધી શકે છે 

ન્યૂઝ એજન્સી દ્વારા આ અહેવાલના અમુક અંશ બહાર પાડવામાં આવ્યા છે. તે જણાવે છે, "બંને પરમાણુ શક્તિ પાડોશી દેશોમાં વધી રહેલા તણાવથી ટકરાવનું જોખમ વધી શકે છે." કાશ્મીરમાં હિંસક અશાંતિ અને આતંકવાદી હુમલાને લીધે આવી અશાંતિ થઈ શકે છે. પાકિસ્તાન સાથેના સંબંધોના બગડવાની આગાહી એવા સમયે કરવામાં આવી છે જ્યારે બંને દેશો વચ્ચે સામાન્ય સંબંધોને પુન: સ્થાપિત કરવા માટે કેટલાક પ્રારંભિક પગલા લેવામાં આવ્યા છે.

ગુપ્તચર અહેવાલમાં ભારત અને ચીન વચ્ચે હિંસક સંઘર્ષનું અનુમાન પણ કરવામાં આવ્યું છે. તેમાં કહેવાયું છે કે, "ભારત અને ચીન વચ્ચે સતત હિંસક ટકરાવની ઘટનાઓ શક્ય છે." બંને દેશોમાંએ સીમા પરથી કેટલાક સૈનિકોની પાછી ખેંચ્યા હોવા છતાં, સરહદ પર તણાવ વધુ છે. "આ મુકાબલો માટે ચીનને દોષી ઠેરવતા કહેવાયું છે," મે 2020 થી વિવાદિત સરહદ વિસ્તારોમાં ચીનની હાજરીને કારણે સૌથી ગંભીર મુકાબલો થયો છે અને આનાથી 1975 પછી પહેલી હિંસક અથડામણ થઈ છે. ''

એલએસી પરથી સૈનિકો પરત ખેંચાયા છે, પણ હિંસક ટકરાવ વધી શકે છે 

રિપોર્ટમાં કહેવામાં આવ્યું છે કે ફેબ્રુઆરીના મધ્ય પછી બંને દેશો વચ્ચે અનેક તબક્કાની વાટાઘાટો થઈ છે અને બંને પક્ષો વિવાદિત સરહદના કેટલાક વિસ્તારોમાંથી સૈન્ય, શસ્ત્રો અને સાધનો પાછા બોલાવી રહ્યા છે. નોંધપાત્ર વાત એ છે કે ગત વર્ષથી એલએસીને લઈને ભારત અને ચીન વચ્ચે તણાવ છે અને ગયા વર્ષે જૂનમાં લદ્દાખની ગલવાન ખીણમાં હિંસક અથડામણ થઈ હતી જેના પછી આ વિવાદ વધુ વધ્યો હતો.