નોર્થ કોરિયાના રાષ્ટ્રપતિ કિમ જોંગ ઉન પોતાની પરમાણુ નિ:શસ્ત્રીકરણની વચનબદ્ધતાથી ફરી ગયા હોય તેવું લાગી રહ્યું છે. કેમ કે અમેરિકન ગુપ્તચર તંત્રને એવા પુરાવા હાથ લાગ્યા છે. જેનાથી કિમજોંગ ઉનની વિશ્વસનીયત પોકળ સાબિત થી શકે છે. CIAને કેવા મળ્યા છે.
અમેરિકી રાષ્ટ્રપતિ ડોનાલ્ડ ટ્રંપ અને કિમજોંગ-ઉન વચ્ચે થયેલી એૌતિહાસિક મુલાકાત દરમિયાન નોર્થ કોરિયાએ પોતાના પરમાણુ કાર્યક્રમ બંધ કરી દેવાની વચન આપ્યું હતું અને જાહેરાત પણ કરી હતી. પરંતુ હકીકતમાં કિમ જોંગે વચનબદ્ધતા પાળી હોય તેવું દેખાતું નથી.
અમેરિકી ગુપ્તચર એજન્સીનું માનવું છે કે ઉત્તર કોરિયાએ તાજેતરના મહિનાઓમાં જ કેટલાંક ગુપ્ત સ્થળે પરમાણું હથિયારો માટેનું ઈંધણ ઉત્પાદન વધારી દીધું છે. અમેરિકી ગુપ્તચર એજન્સીને એ વાતની માહિતી મળી છે કે ઉત્તર કોરિયાએ અમેરિકા સાથે વાતચીત દરમિયાન આ બાબતને છૂપાવી હતી.
ઉલ્લેખનીય છે કે અમેરિકી ગુપ્તચર વિભાગની આ તાજેતરની અટકળ ટ્રંપે કરેલા દાવાની વિરુદ્દમાં જણાઈ રહી છે. 12મી જૂનના દિવસે નોર્થકોરિયાના શાસક કિમ જોંગ ઉન સાથે બેઠક બાદ ટ્રંપે ટ્વીટ કરીને એમેરિકા સહિત વિશ્વને એ માહિતી આપી હતી કે હવે ઉત્તર કોરિયા તરફથી પરમાણુ હુમલાનું વિશ્વને કોઈ જોખમ નથી. ટ્રંપે દાવો કર્યો હતો કે ઉત્તર કોરિયા સંપૂર્ણ રીતે નિ:શસ્ત્રીકરણ કરશે એટલું જ નહીં નિ:શસ્ત્રીકરણ શરૂ પણ કરી દેવાયું છે. પરંતુ અમેરિકી ગુપ્તચર તંત્રનું આ અનુમાન કોઈ બીજી જ તસવીર દર્શાવે છે.
આપને જણાવી દઇએ કે અમેરિકી ગુપ્તચર તંત્રનું કહેવું છે કે પરમાણું હથિયાર માટેનું ઈંધણ ઉત્પાદન એ સમયે પણ થઈ રહ્યું હતું કે જ્યારે નિ:શસ્ત્રીકરણ મુદ્દે ઉત્તરકોરિયાની અમેરિકા સાથે વાત થઈ રહી હતી.
CIAનું કહેવું છે કે યોંગબ્યોન સ્થિત ન્યુક્લિયર ફ્યૂઅલ પ્રોડક્શન સુવિધા ઉપરાંત ઉત્તર કોરિયા પાસે એક કરતાં વધારે ગપ્ત ન્યુક્લિયર સાઈટ છે. તેમનું માનવું છે કે આ બાબતથી બિલકુલ સ્પષ્ટ થાય છે કે ઉત્તર કોરિયા અમેરિકાને દગો દેવાની કોશિશ કરી રહ્યું છે.
અમેરિકી ગુપ્તચર એજન્સીના આ આકલનથી ઉત્તર કોરિયા દ્વારા પરમાણુ હથિયારનો ત્યાગ કરવાની વચનબદ્ધતા પર સવાલ ઊભા થયા છે. જો કે અમેરિકી વિદેશમંત્રી આગામી 6-7 જુલાઈએ ઉત્તર કોરિયાના પ્રવાસે જવાના છે. ત્યારે દૂધનું દૂધ અને પાણીનું પાણી થઈ શકે છે.