અમેરિકાની કોંગ્રેસને આપવામાં આવેલ US ઈન્ટેલના રિપોર્ટમાં ભારત સાથે પાકિસ્તાન અને ચીનના સંબંધોને લઈને મોટું નિવેદન આપવામાં આવ્યું છે.
અમેરિકા PM મોદીની શક્તિ સ્વીકારી
પાકિસ્તાનને જોરદાર જવાબ આપી શકે છે ભારત: યુએસ ઇન્ટેલ
ભારત-ચીન વિવાદમાં અમેરિકાએ વચ્ચે પડવાની જરૂર
અમેરિકન ઈન્ટેલિજન્સ કોમ્યુનિટી એટલે કે આઈટી ઈન્ટેલે US કોંગ્રેસને આપેલ એક રિપોર્ટમાં ભારત પાકિસ્તાનના સંબંધો મુદ્દે પ્રધાનમંત્રી મોદીના વલણને લઈને મોટું નિવેદન આપ્યું છે. આ રિપોર્ટ યુએસ ઇન્ટેલિજન્સ સમુદાયનું વાર્ષિક જોખમ મૂલ્યાંકન નેશનલ ઇન્ટેલિજન્સ (ODNI) ના ડિરેક્ટર ઑફિસ દ્વારા બહાર પાડવામાં આવ્યું છે.
બે પરમાણુ સશસ્ત્ર દેશો વચ્ચેનો મુકાબલો ખતરનાક - યુએસ ઇન્ટેલ
"ભારત અને પાકિસ્તાન વચ્ચેની કટોકટી ખાસ ચિંતાનો વિષય છે, કારણ કે બે પરમાણુ સશસ્ત્ર દેશો વચ્ચેનો કોઈપણ સંઘર્ષ ખતરનાક છે," મૂલ્યાંકન જણાવે છે. રિપોર્ટમાં કહેવામાં આવ્યું છે કે, "ભારત વિરોધી ઉગ્રવાદી જૂથોને સમર્થન આપવાનો પાકિસ્તાનનો લાંબો ઇતિહાસ છે." પીએમ મોદીના નેતૃત્વમાં ભારત પાકિસ્તાનની કોઈપણ ઉશ્કેરણીનો સૈન્ય બળ સાથે પહેલા કરતા વધુ સારી રીતે જવાબ આપી શકે છે.
પાકિસ્તાન ભારત વિરોધી ઉગ્રવાદીઓને રાખે છે: યુએસ ઇન્ટેલ
રિપોર્ટ અનુસાર ભારત વિરોધી સંગઠનોને પાકિસ્તાન દ્વારા ખુલ્લુ સમર્થન આપવામાં આવે છે અને તેનો લાંબો ઈતિહાસ રહ્યો છે. એવામાં આ બે દેશો વચ્ચે સંઘર્ષ ખાસ ચિંતાનો વિષય છે, કારણ કે બે પરમાણુ સશસ્ત્ર દેશો વચ્ચેનો કોઈપણ સંઘર્ષ ખતરનાક છે.
PM મોદીના નેતૃત્વમાં જવાબ આપી શકે છે ભારત: યુએસ ઇન્ટેલ
આટલું જ નહીં આ રિપોર્ટમાં PM મોદીના નેતૃત્વને લઈને જે ટાંકવામાં આવ્યું છે તે એક ચર્ચાનો વિષય છે. US ઈન્ટેલ અનુસાર જો પાકિસ્તાન દ્વારા કોઈ પણ ઉશ્કેરણી કરવામાં આવશે તો પ્રધાનમંત્રી મોદીના નેતૃત્વમાં ભારત જડબાતોડ જવાબ આપશે.
ભારતમાં પણ આતંકવાદી હુમલાની શક્યતા છે - US Intel
રિપોર્ટમાં એમ પણ કહેવામાં આવ્યું છે કે બંને પક્ષો વચ્ચે વધતા તણાવથી મુકાબલો થવાનું જોખમ વધી શકે છે, જે કાશ્મીરમાં હિંસક અશાંતિ તરફ દોરી શકે છે. ભારતમાં આતંકવાદી હુમલાની પણ શક્યતા છે.
ભારત-ચીન વિવાદમાં યુએસના હસ્તક્ષેપની જરૂર છે - યુએસ ઇન્ટેલ
ભારત અને ચીન વચ્ચે ચાલી રહેલા સીમા વિવાદને લઈને રિપોર્ટમાં લખવામાં આવ્યું છે કે, 'વિવાદિત સરહદ પર ભારત અને ચીન તરફથી સૈનિકોની તૈનાતીમાં વધારો થવાથી બંને પરમાણુ શક્તિઓ વચ્ચે સશસ્ત્ર મુકાબલો થઈ શકે છે, જેનાથી અમેરિકી હિતોને નુકસાન થવાની સંભાવના છે. આવી કોઈપણ પરિસ્થિતિનો સામનો કરવા માટે અમેરિકાના હસ્તક્ષેપની જરૂર છે.