નિર્ણય / PAKને ટ્રમ્પની ધમકી, નાગરિકોને પાછા બોલાવો નહીં તો US વિઝા પર લાગશે પ્રતિબંધ

 ગેરકાયદે નાગરિકોના મુદ્દે કડક વલણ રાખનાર અમેરિકા હવે આ દિશામાં પાકિસ્તાનને મોટો ઝટકો આપવાની તૈયારીમાં છે. વિઝાનો સમયગાળો પૂર્ણ થઇ ગયા છતાં અમેરિકામાં રહેતા પોતાના નાગરિકોને પરત બોલાવવાનો પાકિસ્તાને ઇન્કાર કરી દીધો છે. પાકિસ્તાનના આ વલણ સામે પ્રેસિડન્ટ ડોનાલ્ડ ટ્રમ્પે સ્પષ્ટ શબ્દોમાં ચેતવણી આપી છે. ટ્રમ્પ એડમિનિસ્ટ્રેશને એવું પણ કહ્યું છે કે, તેઓ પાકિસ્તાનીઓને વિઝા આપવા પર પ્રતિબંધ લગાવી શકે છે અને તેની શરૂઆત સૌથી પહેલાં અધિકારીઓથી જ થશે.  

અમેરિકાના ગૃહવિભાગે કહ્યુ કે, પાકિસ્તાનમાં દૂતાવાસ સંબંધિત તમામ કામકાજ ચાલતા રહેશે, પરંતુ પ્રતિબંધોના કારણે પાકિસ્તાની નાગરિકોનો વિઝા જારી કરવાના બંધ કરવામાં આવી શકે છે. આ સાથે જ પાકિસ્તાન 10 એવા દેશોમાં શામેલ થઇ ગયુ છે જેના પર અમેરિકાએ ડિપોર્ટેડ નાગરિકોને પરત ન લેવાનો પ્રતિબંધ લગાવ્યો હોય.

અમેરિકાએ અપ્રવાસી અને રાષ્ટ્રીયતા કાયદા હેઠળ જોઇ કોઇ દેશ કોઇ કારણો વગર પોતાના નાગરિકોને લેવાનો ઇન્કાર કરે છે તો તેમના સામાન્ય નાગરિકો પર પણ વિઝાનો પ્રતિબંધ લાગૂ કરવામાં આવી શકે છે. અમેરિકાએ આ પહેલા 2001માં ઘાના, ગુયાના, 2016માં ગામ્બિયા, 2017માં કમ્બોડિયા, ઇરીટ્રિયા, ગિની, સિઇરા લિયોન અને 2018માં મ્યાંમાર અને લાઓસ પર આ પ્રકારનું પ્રતિબંધ લગાવી દીધા છે.

અમેરિકાના વિદેશ વિભાગે શુક્રવારે કહ્યું કે, પાકિસ્તાનમાં એમ્બેસી સંબંધિત કામકાજમાં હાલ કોઇ ફેરફાર નહીં થાય, પરંતુ અમેરિકા પાકિસ્તાની નાગરિકોના વિઝા અટકાવી શકે છે, જેની શરૂઆત ઉચ્ચ અધિકારીઓથી થઇ શકે છે. 

અમેરિકાના પૂર્વ એમ્બેસેડર હુસૈન હક્કાનીએ કહ્યું કે, આ કાયદાથી પાકિસ્તાન માટે મુશ્કેલીઓ પેદા થશે. ખાસ કરીને એવા પાકિસ્તાની નાગરિકો જેઓ અમેરિકામાં આવવા ઇચ્છે છે. જો પાકિસ્તાની અધિકારીઓને પ્રત્યર્પણની કાયદાકીય અનિવાર્યતાઓ સંબંધિત અમેરિકાના અનુરોધોને નજરઅંદાજ ના કરી શકાય. જો પાકિસ્તાન પોતાના વલણ પર સ્થિર રહ્યું તો એવી સ્થિતિ પણ પેદા થઇ શકે છે કે, તેના નાગરિકોને અમેરિકાની બોર્ડરમાં દાખલ થવાની પણ મંજૂરી નહીં મળે, ત્યાં સુધી કે પાકિસ્તાનના અધિકારીઓને પણ આ મુશ્કેલીનો સામનો કરવો પડી શકે છે.