એલર્ટ / અમેરિકામાં દરિયાઈ વાવાઝોડા હન્નાનો ખતરો, હવામાનના એલર્ટ બાદ લોકોમાં ફેલાયો ભય

• અમેરિકા પર હન્ના વાવાઝોડાનો ખતરો
• આજે ટેક્સાસના દરિયાકિનારે ટકરાવાની શક્યતા
• હવામાન વિભાગના એલર્ટ બાદ લોકોમાં ભય
• વાવાઝોડાથી ટેક્સાસમાં 5થી 10 ઇંચ વરસાદની શક્યતા

હવામાન વિભાગે કહ્યું કે ટેક્સાસમાં 5થી 10 ઈંચ સુધીનો વરસાદ વરસી શકે છે. તટીય વિસ્તાર પણ પ્રભાવિત થી શકે છે. અહીં જાનમાલની પાયમાલી સર્જાઈ શકે છે. ક્લોરાડો સ્ટેટ યુનિ.ના શોધકર્તાના આધારે હન્ના 8 એટલાન્ટિક ચક્રવાતોનો રેકોર્ડ તોડી શકે છે. આ સાથે જ બફિન વેથી લઈને સાર્જેંટ સુધી પ્રચંડ વાવાઝોડાની શક્યતા જણાવાઈ રહી છે. 

આ સિવાય મેક્સિકોના બારા એલ મેજ્ક્વિટલથી ટેક્સાસના પોર્ટ મેન્સફીલ્ડ સુધી મેસ્કિટ બેથી લઈને ટેક્સાસના હાઈ આઈલેન્ડ સુધી ઉષ્ણકટિબંધીય વાવાઝોડાની ચેતવણી આપવામાં આવી છે. સમુદ્રમાં ઉંચી લહેરોની શક્યતા છે. તેનાથી સામાન્ય સ્થિતિ બગડી શકે છે.