સમિતિ દ્વારા કહેવામાં આવ્યુ કે, 26/11 મુંબઇ હુમલાના માસ્ટર માઇન્ડ સઇદને શોધવામાં નથી આવ્યો, તે છેલ્લા 10 વર્ષથી પાકિસ્તાનમાં ફરી રહ્યો છે. ડોનાલ્ટ ટ્રમ્પે ટ્વીટ કર્યુ હતુ કે, ''10 વર્ષ શોધ્યા પછી છેવટે આતંકી હાફિઝ સઇદની ધરપકડ કરી લેવામાં આવી છે.''
પાકિસ્તાન પોલીસે હાફિઝની બુધવારે ધરપકડ કરી, તે લાહોરથી ગુજરાંવાલા જઇ રહ્યો હતો. પાકિસ્તાનના પંજાબ પ્રાંતના CMO દ્વારા આપવામાં આવેલી માહિતી અનુસાર, સઇદની ગુજરાંવાલાથી ધરપકડ લેવામાં આવી છે. સઇદ પર પ્રતિબંધિત સંગઠનો માટે ફંડ ભેગુ કરવાનો આરોપ છે. જે ગેરકાયદેસર છે. હાફિઝને હાલ જ્યુડિશિયલ કસ્ટડીમાં મોકલવામાં આવ્યો છે.
FYI Pakistan wasn't searching for him for 10 years. He’s been living freely, and was arrested and released in:
December 2001
May 2002
October 2002
August 2006 (twice)
December 2008
September 2009
January 2017
— House Foreign Affairs Committee (@HouseForeign) July 17, 2019
વિદેશ મામલાની સમિતિએ ટ્વીટ કર્યુ કે, પાકિસ્તાન 10 વર્ષથી શોધી નથી રહ્યુ. તે દેશમાં આઝાદ ફરી રહ્યો હતો. તેની ઘણીવખત ધરપકડ કરીને છોડી દેવામાં આવ્યો છે. સઇદને ડિસેમ્બર 2001, મે 2002, ઓક્ટોબર 2002, ઓગ્સ્ટ 2006 (2 વખત), ડિસેમ્બર 2008, સપ્ટેમ્બર 2009 અને જાન્યુઆરી 2009માં ધરપકડ કર્યા પછી છોડી દેવામાં આવ્યો હતો.
After a ten year search, the so-called “mastermind” of the Mumbai Terror attacks has been arrested in Pakistan. Great pressure has been exerted over the last two years to find him!
ઉલ્લેખનીય છે કે, ટ્રમ્પે હાફિઝની ધરપકડ પર ટ્વીટ કર્યુ હતુ, ''10 વર્ષની શોધ પછી છેવટે મુંબઇ આતંકી હુમલાના માસ્ટરમાઇન્ડની પાકિસ્તાનમાં ધરપકડ કરી દેવામાં આવી છે. ગત 2 વર્ષમાં તેણે પકડવા માટે ભારે દબાણ આપવામાં આવ્યુ હતુ.'' 2008ના મુંબઇ હુમલાનો માસ્ટર માઇન્ડ હાફિઝ સઇદ છે. અમેરિકાએ સઇદને વૈશ્વિક આંતકી જાહેર કર્યો છે અને તેના પર 10 મિલિયન ડોલરનુ ઇનામ પણ રાખ્યુ છે.