અમેરિકન કોંગ્રેસ (સંસદ)એ પ્રમુખ ડોનાલ્ડ ટ્રમ્પ વિરુદ્ધ મહાભિયોગ (ઇમ્પિચમેન્ટ)ની વિધિવત્ કાર્યવાહી શરૂ કરી દીધી છે. અમેરિકન હાઉસ ઓફ રિપ્રેઝન્ટેિટવ્ઝ (પ્રતિનિધિ સભા)નાં સ્પીકર નેન્સી પેલોસીએ ડોનાલ્ડ ટ્રમ્પ વિરુદ્ધ મહાભિયોગની પ્રક્રિયા શરૂ કરવાની જાહેરાત કરી હતી. ડોનાલ્ડ ટ્રમ્પ પર એવો આરોપ છે કે તેમણે પોતાના રાજકીય હરીફને ખતમ કરવા માટે વિદેશી મદદ લીધી હતી.
ડોનાલ્ડ ટ્રમ્પે યુક્રેનના રાષ્ટ્રપતિ વ્લાદીમીર જેલેન્સ્કી પર દબાણ લાવ્યું હતું કે તેઓ ટ્રમ્પના ડેમોક્રેટિક હરીફ જો બાઇડન અને તેમના પુત્ર વિરુદ્ધ ભ્રષ્ટાચારની તપાસ શરૂ કરે. ડેમોક્રેટ્સનાં નેતા નેન્સી પેલોસીનું કહેવું છે કે ટ્રમ્પે અમેરિકાના બંધારણનું ઘોર ઉલ્લંઘન કર્યું છે. તેમણે જણાવ્યું હતું કે કોઇ પણ વ્યક્તિ કાયદાથી પર નથી.
યુક્રેનના રાષ્ટ્રપતિને ટ્રમ્પે શું કહ્યું તે અંગે હજુ કોઇ સ્પષ્ટ વિગતો ઉપલબ્ધ નથી, પરંતુ ડેમોક્રેટ્સે એવો આરોપ મૂક્યો છે કે ટ્રમ્પે યુક્રેનના રાષ્ટ્રપતિને સૈન્ય કાર્યવાહી કરવાની ધમકી આપી હતી. ટ્રમ્પે તેમને પૂર્વ ઉપરાષ્ટ્રપતિ બાયડન અને તેમના પુત્ર હંટર વિરુદ્ધ ભ્રષ્ટાચારની તપાસ કરવા આદેશ કર્યો હતો.
Speaker Nancy Pelosi announces House of Representatives is moving forward with official impeachment inquiry against US President Donald Trump, says 'no one is above the law'. (file pics) pic.twitter.com/kQz0OGhdo7
જોકે ટ્રમ્પે આ આરોપોની નકારી કાઢ્યા છે. ટ્રમ્પે એક વાત સ્વીકારી છે કે તેમણે પોતાના રાજકીય હરીફ અંગે યુક્રેનના રાષ્ટ્રપતિ સાથે ચર્ચા કરી હતી. ર૦ર૦માં યોજાનારી અમેરિકાના રાષ્ટ્રપ્રમુખપદની ચૂંટણીમાં જો બાઇડન ટ્રમ્પને ટક્કર આપી શકે છે.
ટ્રમ્પ વિરુદ્ધ મહાભિયોગની પ્રક્રિયા નીચલા ગૃહમાંં પસાર થાય તો પણ રિપબ્લિકનની બહુમતી ધરાવતા ઉપલા ગૃહ સેનેટમાં આ દરખાસ્ત પાસ થવી મુશ્કેલ છે.