Coronavirus / જેની સામે દુશ્મનો પણ આંખ ઊંચી કરતા કરે વિચાર તેવા અમેરિકાને નેનો મીટરના વાયરસે હંફાવ્યું

• જગત જમાદારને કોરોનાએ હંફાવ્યું
• જેની સામે મોટા દુશ્મનો ન જોઈ શકે
• તેને નેનો મીટરનો વાયરસ ધ્રૂજાવે છે

આજે સમગ્ર દુનિયા સાથે સાથે અમેરિકામાં પણ કોરોનાનો માતમ પ્રસરાયેલો છે. કોરના સામે સુપર પાવર પણ નતમસ્તક થઈ ગયું છે. આપણે વાત કરી રહ્યા છીએ દુનિયાના સૌથી શક્તિશાળી દેશ એવા અમેરિકાની. દુનિયાનો સૌથી શક્તિશાળી દેશ પણ આજે જીવલેણ વાયરસનો શિકાર બની ગયો છે. સ્પષ્ટ કહીએ તો કોરનાના કહેરે અમેરિકાની કમર તોડી નાખી છે. 

 700 અબજ રૂપિયા પોતાના સંરક્ષણ બજેટ પાછળ ખર્ચે છે અમેરિકા 

દર વર્ષે અમેરિકા સરેરાશ 700 અબજ રૂપિયા પોતાના સંરક્ષણ બજેટ પાછળ ખર્ચ કરે  છે. કેમ કે અમેરિકા નથી ઈચ્છતું કે બ્રહ્માંડની કોઈ તાકાત તેના તરફ આંખ ઊઠાવીને જોઈ શકે. પરંતુ અમેરિકાની આ તાકાત છતાં માત્ર 60 નેનો મીટરનાના સૂક્ષ્મકદના કોરોના વાયરસે અમેરિકાની ઊંઘ હરામ કરી નાખી છે. 

સમગ્ર ન્યૂયોર્ક શહેર ઘરમાં પૂરાઈ રહેવા મજબૂર થઈ ગયું છે 

અમેરિકાની  ન્યૂયોર્ક સિટીનું ટાઈમ્સ સ્કવેર જે ક્યારેય થંભ્યુ નથી. ક્યારેય તેની રોનક ઘટી નથી. પરંતુ આજે ઈતિહાસમાં એવું પ્રથમવાર બની રહ્યું છે કે સમગ્ર ન્યૂયોર્ક શહેર ઘરમાં પૂરાઈ રહેવા મજબૂર થઈ ગયું છે. અમેરિકાના દ્રશ્યો જોઈને એવું લાગી રહ્યું છે. જાણે અહીં માણસોનો દુકાળ પડી ગયો હોય. અહીંની અંડરગ્રાઉન્ડ મેટ્રો પણ સૂમસામ પડી છે. કોરોના વાયરસનો ખૌફ એ રીતે લોકોના મનમાં પેસી ગયો છે કે કોઈ પણ એક બીજાને મળવા રાજી નથી. માત્ર 2 અઠવાડિયામાં જ  એક સૂક્ષ્મ વાયરસે ન્યૂયોર્ક શહેરે અમરિકામાં કોરોનાનું એપિસેન્ટર બનાવી દીધું છે. અમેરિકામાં હવે આ કોરાનું ગ્રાઉન્ડ ઝીરો છે. એકલા અમેરિકાના ન્યૂયોર્ક શહેરની વાત કરીએ તો અમેરિકાના તમામ શહેરો જેટલા કેસ આ એક શહેરમાંથી સામે આવ્યા છે. અમેરિકામાં દોઢલાખ લોકો સંક્રમિત થવાને આરે પહોચી ગયા છે.

મેક્સિકોથી આવતા પાછા ભાગી રહ્યા છે વતન તરફ 

જો કે હાલ તો કોરોના વાયરસનો ત્રીજો તબક્કાની તબાહી રોકવા માટે અમેરિકા એડીચોટીનું જોર લગાવી રહ્યું છે. વાયરસથી બચવા માટે અનેક પ્રકારના પગલા ઊઠાવવામા આવી રહ્યા છે. વૈજ્ઞાનિકોની ટીમ વેક્સિનને ટેસ્ટ કરવા માટે ગૂંથાયેલી છે. પરંતુ આ બધા પ્રયાસો કોરનાની મહામારી સામે પર્યાપ્ત નથી. કેમકે વાયરસે એવું ચક્ર ફેરવ્યું છે કે, જે દેશે મેક્સિકોથી આવતા લોકોને રોકવા દિવાલ બનાવી હતી તે દેશના લોકો જ હવે અમેરિકા છોડી મેક્સિકો તરફ ભાગી રહ્યા છે. હવે ઊલટાનું મેક્સિકોની સરકાર અમેરિકાથી આવનારા લોકોને રોકવા માટે  પ્રયાસ કરી રહી છે. 

અમેરિકા પોતાના દુશ્મન દેશ ચીન પાસેથી મહામારી સામે લડવા મદદ માગી 

આ સ્થિતિમાં અમેરિકાનો મુકાબલો કોઈ દેશ સામેનો મુકાબલો નથી. પરંતુ વૈશ્વિક કયામત સાથે છે. જે યુરોપિયન દેશોમાં મોટી ખુવારી સર્જીને હવે અમેરિકામાં ઘૂસી ચૂક્યો છે. તો શું અમેરિકા આ પડકારનો સફળતા પૂર્વક સામનો કરી શકશે? આ સવાલનો જવાબ અત્યારે આપી શકાય તેમ નથી. અને ક્યારે આપી શકાશે તે પણ કરી શકાય તેમ નથી. બાકી હાલતો અમેરિકા પોતાના દુશ્મન દેશ ચીન પાસેથી મહામારી સામે લડવા મદદ માગી રહ્યો છે.