અમેરિકાએ બાળકો માટેની કોરોનાની ફાઈઝર વેક્સિનને સંપૂર્ણ મંજૂરી આપી દીધી હોવાથી હવેથી 16 વર્ષના બાળકો પણ વેક્સિન લઈ શકશે.
અમેરિકાએ બાળકો માટેની કોરોનાની ફાઈઝરને મંજૂરી આપી
16 વર્ષના બાળકો પણ વેક્સિન લઈ શકશે
બાળકો માટેની વેક્સિનને મંજૂરી આપનાર પહેલો દેશ બન્યો અમેરિકા
અમેરિકાના ફૂડ એન્ડ ડિપાર્ટમેન્ટે ફાઈઝર વેક્સિનને સંપૂર્ણ મંજૂરી આપી દીધી છે. ફાઈઝર વેક્સિનની મંજૂરીની સાથે જ બાળકો માટેની વેક્સિનને મંજૂરી આપનાર અમેરિકા પહેલો દેશ બની ગયો છે. અત્યાર સુધી તો સરકારો દ્વારા કોરોના વેક્સિનના ઈમરજન્સી ઉપયોગની મંજૂરી અપાઈ છે પરંતુ પહેલી વાર કોઈ દેશમાં બાળકો માટેની વેક્સિનને પૂર્ણ મંજૂરી મળી છે.
સરકારની મંજૂરી મળતા જ 16 વર્ષથી ઉપરના લોકોને ફાઈઝરની વેક્સિન આપવાનું શરુ થયું
સરકારની મંજૂરી મળતા જ 16 વર્ષથી ઉપરના લોકોને ફાઈઝરની વેક્સિન આપવાનું શરુ થયું છે. અમેરિકાના એફડીએ કમિશર જનેટ વૂડકોકે જણાવ્યું કે આપણે જ્યારે કોરોના મહામારીનો સામનો કરી રહ્યાં છે તેવે વખતે એફડીએની મંજૂરી ખૂબ જ મહત્વનો નિર્ણય છે.
જુન મહિનામાં બ્રિટનમાં પણ 12-15 વર્ષના બાળકો માટે ફાઈઝરની વેક્સિન આપવાની મંજૂરી આપી દીધી હતી.
ગયા વર્ષે જૂનમાં બ્રિટનની મેડિસિન રેગ્યુલેટરી બોડીએ 12-15 વર્ષના બાળકોમાં ફાઇઝરની રસીનો ઉપયોગ કરવાની મંજૂરી આપી હતી. દેશની રેગ્યુલેટરી ઓથોરિટીએ આ વયજૂથ માટે રસી સંપૂર્ણપણે સલામત હોવાનું જણાવ્યું હતું. ઓથોરિટીએ કહ્યું હતું કે, 'અમે 12 થી 15 વર્ષના બાળકો પર આ રસીનું સફળતાપૂર્વક પરીક્ષણ કર્યું છે. આ રસી આ વય જૂથ માટે સંપૂર્ણપણે સલામત અને અસરકારક હોવાનું જાણવા મળ્યું છે. તેમાં કોઇપણ પ્રકારનો ભય નથી. જો કે, હવે તે દેશમાં રસીઓની નિષ્ણાત સમિતિ પર છે કે તેઓ આ વય જૂથમાં રસીકરણની મંજૂરી આપશે કે નહીં.
થોડા દિવસો પહેલા સમાચાર આવ્યા હતા કે ભારત સરકાર ફાઇઝરની કોરોના રસીના પાંચ કરોડ ડોઝ ખરીદવા માટે વાતચીત કરી રહી છે. અમેરિકન અખબાર વોલ સ્ટ્રીટ જનરલે આ અંગે એક અહેવાલ પ્રકાશિત કર્યો હતો. આ રસી અમેરિકન ફાર્મા કંપની Pfizer Inc. અને જર્મન કંપની BioNTech દ્વારા સંયુક્ત રીતે તૈયાર કરવામાં આવી છે. જો કે, આરોગ્ય અને ફાઇઝર મંત્રાલયે આ સંદર્ભે કોઈપણ પ્રશ્નોના જવાબ આપવાનો ઇનકાર કર્યો હતો. ફાર્માસ્યુટિકલ કંપનીએ ભારતમાં તેની રસીનો ઉપયોગ કરવાની પરવાનગી હજુ સુધી માંગી નથી. ભારત, જે વિશ્વનો સૌથી મોટો રસીકરણ કાર્યક્રમ ચલાવી રહ્યો છે, અત્યાર સુધી મુખ્યત્વે સીરમ ઇન્સ્ટિટ્યૂટ ઓફ ઇન્ડિયા અને ભારત બાયોટેકની રસીઓ દ્વારા મુખ્યત્વે રસીકરણ કરે છે. હવે રશિયન રસી સ્પુતનિક પણ રસીકરણ અભિયાનનો મોટો ભાગ બની ગયો છે.