નિર્ણય / આ દેશમાં ફાઈઝરના બૂસ્ટર ડોઝને મંજૂરી, જાણો કોને મળશે ડોઝ

• અમેરિકામાં  ફાઈઝર કોવિડ બૂસ્ટર ડોઝને મંજૂરી 
• બૂસ્ટર ડોઝ એ લોકોને આપવા જોઈએ જે ગંભીર રીતે પીડિત
• 16 અને તેનાથી વધારે ઉંમરના લોકોને નહીં મળે બૂસ્ટર ડોઝ

 અમેરિકામાં  ફાઈઝર કોવિડ બૂસ્ટર ડોઝને મંજૂરી 

દુનિયાભરમાં એકવાર ફરી કોરોનાના વધતા સંકટને જોતા અમેરિકામાં ફાઈઝર કોવિડ બૂસ્ટર ડોઝને મંજૂરી આપવામાં આવી છે. અમેરિકન ખાદ્ય તથા ઔષધિ પ્રશાસને ફાઈઝર કોવિડ બૂસ્ટર ડોઝને મંજૂરી આપી દીધી છે. એફડીએના વિશેષજ્ઞ સલાહકારોની એક પેનલનું કહેવું છે કે ફાઈઝર ઈંક અને  BioNTech એસઈ તરફથી બનેલી કોરોનાન રસીને બૂસ્ટર ડોઝ એ લોકોને આપવા જોઈએ જે ગંભીર રીતે પીડિત છે.

બૂસ્ટર ડોઝ એ લોકોને આપવા જોઈએ જે ગંભીર રીતે પીડિત

ઉલ્લેખનીય છે કે ફાયઝર અને FDAએ 16 વર્ષથી વધારે ઉંમરના તમામ લોકો માટે બૂસ્ટર ડોઝની મંજૂરી માંગી હતી. જોકે વિશેષજ્ઞ સલાહકારોની પેનલે આ અરજીને ફગાવી દીધી. તેમણે સ્પષ્ટ કહી દીધું કે બૂસ્ટર ડોઝ ફક્ત 65 વર્ષથી વધારે ઉંમરના લોકો અથવા ગંભીર બિમારીથી પીડિત લોકોને આપવા જોઈએ, આની સાથે પેનલે કહ્યું કે બૂસ્ટર ડોઝ યુવાઓ માટે ખતરનાર સાબિત થઈ શકે છે.

16 અને તેનાથી વધારે ઉંમરના લોકોને નહીં મળે બૂસ્ટર ડોઝ

અમેરિકન ખાદ્ય તથા ઔષધિ પ્રશાસનના વિશેષજ્ઞ પેનલે 16 અને તેનાથી વધારે ઉંમરના લોકો માટે કોરોનાના બૂસ્ટર ડોઝની મંજૂરીની વિરુદ્ધ મતદાન કર્યુ. પરંતુ 65થી વધારે અને ઉચ્ચ જોખમ વાળા લોકો માટે ફાઈઝર કોવિડ બૂસ્ટર ડોઝને મંજૂરી આપી છે. પેનલે કોરોના રસીના બૂસ્ટર ડોઝ માટે 18-0થી મતદાન કર્યુ છે. પેનલથી મંજૂરી મળ્યા બાદ 65 વર્ષથી વધારે ઉંમરના તમામ વ્યક્તિઓ અને ગંભીર બિમારીથી પીડિત દર્દીઓને ફાઈઝર રસીના બૂસ્ટર ડોઝ લગાવી શકાય.