અમેરિકાના રાષ્ટ્રપતિનો ચૂંટણી મુદ્દો એક એવા વળાંક પર છે જ્યાં જીત કોની થશે તેનો અંદાજ લગાવવો મુશ્કેલ બન્યુ છે. આ સમયે રિપબ્લિકન ઉમેદવાર રાષ્ટ્રપતિ ડોનાલ્ડ ટ્રમ્પને માટે એક મોટી ચેલેન્જ ડેમોક્રેટિક ઉમેદવાર જો બાઈડેન છે. જો બાઈડેનને વ્હાઈટ હાઉસ પહોંચવા માટે હાલમાં 6 ઈલેક્ટોરલ વોટની જરૂરી છે. છેલ્લા 24 કલાકથી આ 6 વોટની રાહ જોવામાં આવી રહી છે. હજુ પણ 5 રાજ્યોના પરિણામ આવવાના બાકી છે. જેની આતુરતાથી રાહ જોવાઈ રહી છે.
અમેરિકાના આ 5 રાજ્યો નક્કી કરશે કોણ હશે નવા રાષ્ટ્રપતિ
જો બાઈડેન 24 કલાકથી 6 ઈલેક્ટોરલ વોટની જોઈ રહ્યા છે રાહ
હજુ પણ 5 રાજ્યોના પરિણામ આવવાના બાકી
અમેરિકી રાષ્ટ્રપતિના અત્યાર સુધીના પરિણામો પર નજર કરીએ તો જો બાઈડેનની પાસે 264 ઈલેક્ટોરલ વોટ આવી ચૂક્યા છે. જ્યારે ટ્રમ્પ પાસે હજુ પણ 214 ઈલેક્ટોરલ વોટ છે. કોઈ પણ અમેરિકી રાષ્ટ્રપતિને વ્હાઈટ હાઉસ પહોંચવા માટે 270 વોટની જરૂર રહે છે. એવામાં જો બાઈડેનને પણ અન્ય 5 રાજ્યોના વોટની આશા છે. ઉલ્લેખનીય છે કે હજુ પેન્સિલ્વેનિયા, જોર્જિયા, નોર્થ કૈરોલાઈના, નેવાડા અને અલાસ્કામાં પરિણામ આવવાના બાકી છે.
જે 5 રાજ્યોના પરિણામ નથી આવ્યા ત્યાં આવી છે સ્થિતિ
પેન્સિલ્વેનિયા
અમેરિકા સહિત આખી દુનિયાની નજર પેન્સિલ્વેનિયા પર ટકી છે. અહીં 20 ઈલેક્ટોરલ વોટ છે. જો બાઈડેન અહીંથી જીત મેળવે છે તો વ્હાઈટ હાઉસના દરવાજા તેમને માટે ખુલી જશે. આ રાજ્યમાં બાઈડેનને અત્યાર સુધી 49.3 અને ટ્રમ્પને 49.6 ટકા વોટ મળ્યા છે. વોટની ગણતરી કરીએ તો અહીં ટ્રમ્પને 32 લાખ 85 હજાર 965 અને બાઈડેનને 32 લાખ 67 હજાર 923 વોટ મળ્યા છે.
નેવાડા
નેવાડામાં ફક્ત 6 ઈલેક્ટોરલ વોટ છે. આ વખતે નેવાડા પણ મહત્વની ભૂમિકા નિભાવી રહ્યું છે. અહીં ટ્રમ્પને બઢત મળી છે. બાઈડેનને અહીંથી 49.4 ટકા અને ટ્રમ્પને 48.5 ટકા વોટ મળ્યા છે. સમજો કે ટ્રમ્પને નેવાડામાં 5 લાખ 92 લાખ 813 વોટ અને બાઈડેનને 6 લાખ 4 હજાર 251 વોટ મળ્યા છે.
જોર્જિયા
અહીં 16 ઈલેક્ટોરલ વોટ છે. અહીં ટ્રમ્પ અને બાઈડેનની વચ્ચે મોટી ટક્કર જોવા મળી રહી છે. બંને નેતાઓની વોટની સંખ્યા જોઈએ તો ટ્રમ્પને જોર્જિયાથી 24 લાખ 48 હજાર 81 વોટ અને બાઈડેનને 24 લાખ 46 હજાર 814 વોટ મળ્યા છે.
નોર્થ કૈરોલાઈના
15 ઈલેક્ટોરલ વોટ આ રાજ્યમાં છે. અહીં બાઈડેન અને ટ્રમ્પ વચ્ચે મોટી ટક્કર છે. અહીં બાઈડેનને 48.7 અને ટ્રમ્પને 50.1 ટકા વોટ મળ્યા છે. એવામાં ટ્રમ્પ અહીંથી ગણિત બગાડી શકે છે.
અલાસ્કા
સૌથી નાના અને 3 ઈલેક્ટોરલ વોટ અહીં છે. અહીં ટ્રમ્પનું પલ્લું ભારે છે. ટ્રમ્પે અહીંથી 62.1 ટકા વોટ મેળવ્યા છે તો બાઈડેને 33.5 ટકા વોટ. અહીં ટ્રમ્પને 1 લાખ 18 હજાર 602 વોટ મળ્યા છે અને બાઈડનને 63 હજાર 992 વોટ મળ્યા છે.