ચૂંટણી / પ્રથમ પ્રેસિડેન્શિયલ ડિબેટમાં ડોનાલ્ડ ટ્રમ્પે ભારત પર મુક્યો આક્ષેપ, કહ્યું કોઈ નથી જાણતું કે કોરોનાથી કેટલા લોકો મર્યા...

• અમેરિકામાં ડોનાલ્ડ ટ્રમ્પ-બાયડન વચ્ચે ડિબેટ શરૂ
• ડિબેટ દરમિયાન ટ્રમ્પના ભારત પર આક્ષેપ
• દુનિયા નથી જાણતી કે કોરોનાથી ભારતમાં કેટલા મૃત્યુ: ટ્રમ્પ

અમેરિકાના રાષ્ટ્રપતિની ચૂંટણીને લઈને  ડોનાલ્ડ ટ્રમ્પ અને બાયડન વચ્ચે ડિબેટ શરૂ થઈ ગઈ છે.  ડિબેટ દરમિયાન ટ્રમ્પે ભારત પર આક્ષેપ કર્યા હતા. તેમણે કહ્યું હતું કે દુનિયા નથી જાણતી કે કોરોનાથી ભારતમાં કેટલા મૃત્યુ થયા છે. વિશ્વને ખબર નથી રશિયા,ચીનમાં કેટલા મૃત્યુ થયા છે.  કેમ કે આ દેશો સ્પષ્ટ આંકડા નથી આપી રહ્યાં. તેમજ  તેમણે પોતાનું જુનું રટણ ચાલુ રાખતા કહ્યું હતું કે  હું ફરી કહું છું કે કોરોના એ ચીનની જ ભુલ છે. ઉલ્લેખીય છે કે બાયડને ટ્રમ્પ પર આરોપ મુક્યો છે કે ટ્રમ્પે લાખો લોકોને મારી નાંખ્યા છે.

ઉલ્લેખનીય છે કે આવી 3 ડિબેટ થવાની છે. બીજી ડિબેટ 15 ઓક્ટોબર અને ત્રીજી 22 ઓક્ટોબરના રોજ થવાની છે. આ ડિબેટમાં બન્ને કેન્ડિડેટ્સના રિકોર્ડ્સ, સુપ્રીમ કોર્ટ, કોરોના વાયરસ, ઈકોનોમી, નસ્લવાદ- હિંસા અને ઈલેક્શન ઈન્ટીગ્રીટી એટલે કે ચૂંટણી અખંડતા જેવા મુદ્દા પર ચર્ચા થશે.