અંતે અમેરિકાના રાષ્ટ્રપતિ ચૂંટણીના પરિણામો આવી ચૂક્યા છે અને વ્હાઇટ હાઉસની કમાન ડેમોક્રેટ કેન્ડિડેટ જો બાયડનના હાથમાં આવવાનું નક્કી છે. ત્યારે જીત પહેલા બાયડને કહ્યું હતું કે, અમે વિરોધી હોઇ શકીએ છીએ દુશ્મન નહીં. ત્યારે બાયડનનું આ નિવેદન ભારત અને અમેરિકા વચ્ચેની ભેદ રેખા સ્પષ્ટ કરે છે.
બાયડન અમેરિકાના 46માં રાષ્ટ્રપતિ બનશે
બાયડનનું નિવેદન ભારત અને અમેરિકા વચ્ચેની ભેદ રેખા સ્પષ્ટ કરે છે
અમે વિરોધી હોઇ શકીએ છીએ, પરંતુ દુશ્મન નહીંઃ બાયડન
ડેમોક્રેટિક ઉમેદવાર જો બાયડન અમેરિકાના રાષ્ટ્રપતિ બનશે. CNNના પ્રોજેક્શનના જણાવ્યા અનુસાર, બાયડને રિપબ્લિકન કેન્ડિડેટ ડોનાલ્ડ ટ્રમ્પને પાછળ છોડતા પેન્સિલ્વેનિયા પોતાના નામે કરી લીધું. તેની સાથે જ તેમણે જરૂરી 270 ઇલેક્ટોરલ મત મળી ગયા. તેવામાં થોડા કલાકો પહેલા કરેલું બાયડનનું એક ટ્વિટ અમેરિકા અને ભારત વચ્ચેના ભેદને બતાવે છે. બાયડને કહ્યું હતું કે આપણે વિરોધીઓ હોઈએ પણ આપણે દુશ્મનો નથી. અમે અમેરિકનો છીએ.
અમે વિરોધી થઇ શકીએ, દુશ્મન નહીંઃ બાયડન
આ સાથે જ જો બાયડને પોતાના સંબોધનમાં કહ્યું કે, અમે વિરોધી હોઇ શકીએ છીએ, પરંતુ દુશ્મન નહીં. યાદ રાખવું પડશે કે અમારી રાજનીતિનો ઉદ્દેશ્ય નિર્દયી યુદ્ધ નહીં. જોકે, તેમણે પોતાના સંબોધનમાં કોઇનું નામ ન લીધું, પરંતું કહેવામાં આવી રહ્યું છે કે તેમણે ડોનાલ્ડ ટ્રમ્પને આ મેસેજ આપ્યો છે.
બાયડને કહ્યું હતું કે રાષ્ટ્રપતિ તરીકે મારી પ્રાથમિકતા ડેમોક્રેટ અને રિપબ્લિક વચ્ચે ઊભા થયેલા વિરોધાભાસને દૂર કરી અને પ્રજાને અમેરિકન તરીકે એક કરવાની રહેશે. ત્યારે શું આપણા દેશમાં કોઈપણ વિજયી ઉમેદવાર પાસેથી આપણે આવા શબ્દોની અપેક્ષા રાખી શકીએ? અમેરિકાની જનતાએ બન્ને પક્ષને નેક ટુ નેક મતો આપીને તેની લોકતંત્ર તરફની સમજદારી પ્રદર્શિત કરી છે. ત્યારે આ જ પ્રજા મહાસત્તા બની દુનિયા પર રાજ કરી શકે છે. માત્ર ટીવી ચેનલો પર ચાલતા પ્રોપેગેન્ડાને સત્ય માનીને કોઈ એક પક્ષને ઢગલા બંધ મત આપી દેનારી પ્રજા પ્રાથમિક સુવિધાના અભાવે હેરાન થાય તેમાં કોઈ નવાઈ નથી !!