US Elections 2020 / Result: જીતથી 6 પગલા દૂર બાઇડેન, ઈતિહાસમાં સૌથી વધુ મત મેળવનાર રાષ્ટ્રપતિ પદના ઉમેદવાર બન્યાં

અમેરિકાના રાષ્ટ્રપતિની ચૂંટણીમાં બિડેનના નામે નવો વિક્રમ

ડેમોક્રેટસ ઉમેદવાર જો બાઇડેનને પોતાના નામ એક નવો રેકોર્ડ બનાવ્યો છે. અમેરિકાની ચૂંટણીના ઇતિહાસમાં કોઇ રાષ્ટ્રપતિ પદના ઉમેદવારને અત્યાર સુધીમાં વધુ મત મેળવનારનો રેકોર્ડ જો બાઇડેનના નામે નોંધાયો છે. અત્યાર સુધીની ગણતરીમાં જો બાઇડેનને  7 કરોડ મત મળી ગયા છે. જ્યારે ડોનાલ્ડ ટ્રમ્પને 6.8 કરોડ મતની નજીક છે. આ અગાઉ રેકોર્ડ બરાક ઓબામાના નામ પર હતો, જેને 6.94 કરોડ મત મળ્યાં હતા. 

4 મહત્વના રાજ્યોના 54 ઇલેક્ટોરલ મત પર ટ્રમ્પ આગળ

ડોનાલ્ડ ટ્રમ્પ હાલમાં 4 મહત્વના રાજ્યમાં આગળ ચાલી રહ્યાં છે. ટ્રમ્પ જ્યોર્જિયા,પેન્સિલવેનિયા,નોર્થ કેરિલોના,અલાસ્કામાં આગળ છે. જેમાં જ્યોર્જિયામાં 16 અને કેરોલીના 15, પેનસિલ્વેનિયાના 20 અને અલાસ્કાના 3 ઇલેક્ટોરલ મત છે. જો આ 4 રાજ્યોમાં ટ્રમ્પ જીતે તો બહુમતથી 3 ઇલેક્ટોરલ મત દૂર રહે.

કુલ મતના આંકડામાં પણ આગળ છે જો બાઇડેન

રાષ્ટ્રપતિ ચૂંટણીના હાલના અપડેટ મુજબ ડેમોક્રેટ ઉમેદવાર જો બાઇડેનને અત્યાર સુધીમાં 7,15,57,235 મત પ્રાપ્ત થઇ ગયા છે. જે સંપૂર્ણ  મતોના 50.3 ટકા છે. જ્યારે બીજી તરફ રિપબ્લિકન ઉમેદવાર ડોનાલ્ડ ટ્રમ્પને 48 ટકા સાથે 6,82,56,676 મત મળ્યાં છે. 

જીતની નજીક પહોંચ્યાં જો બાઇડેન 

અમેરિકાના રાષ્ટ્રપતિ ચૂંટણીમાં ઇલેક્ટોરલના જાદુ આંકડાની ઘણા નજીક પહોંચી ગયા છે ડેમોક્રેટ ઉમેદવાર જો બાઇડેન. જો બાઇડેનને અત્યાર સુધીમાં 264 ઇલેક્ટોરલ મત મળી ગયા છે. જ્યારે ટ્રમ્પને 214 ઇલેક્ટોરલ મત મળ્યાં છે. રાષ્ટ્રપતિ ચૂંટણી જીતવા માટે એક ઉમેદવારને 270 ઇલેક્ટોરલ મતની જરૂરિયાત હોય છે. 

બાઇડેનને કર્યો જીતનો દાવો

જો બાઇડેન હવે પોતાની જીત પ્રતિ આશ્વસ્ત નજર આવી રહ્યાં છે. બાઇડને પોતાના ટ્વિટથી કહ્યું કે મને વિશ્વાસ છે કે આપણે જ વિજય બનીશું, પરંતુ આ મારી જીત કે આપણી જીત નહી હોય. આ અમેરિકાના લોકો માટે, આપણી લોકશાહી માટે, અમેરિકાની જીત હશે. 

કેટલીક માગણી સાથે ટ્રમ્પ કેમ્પે ખખડાવ્યો કોર્ટનો દરવાજો

અમેરિકાની રાષ્ટ્રપતિ ચૂંટણીની લડાઇ હવે કોર્ટના દ્વારે પહોંચી છે. ટ્રમ્પ કેમ્પ દ્વારા બુધવારના રોજ મિશિનગમાં જ્યાં મતની ગણતરી થઇ રહી છે ત્યાં સાર્થક પહોંચ પ્રદાન કરવા સુધી મતગણતરી રોકી દેવાની અપીલ કરી છે. હાલમાં મિશિગનમાં અમેરિકાના રાષ્ટ્રપતિ ડોનાલ્ડ ટ્રમ્પ અને તેમના પ્રતિસ્પર્ધી જો બાઇડનના મતની ગણતરી કરવામાં આવી રહી છે. 

270ના આંકડાના ગણિતને સમજો

• 270 અમેરિકાની ચૂંટણીમાં અતિ મહત્વનો આંકડો છે જે અમેરિકાની સત્તા કોની પાસે આવશે તે નક્કી કરે છે
• 270 એક આંકડો છે જે નિર્વાચક મંડળ તરીકે નક્કી કરે છે કે આગામી 4 વર્ષ અમેરિકાની સત્તા કોણ સંભાળશે
• 2016માં હિલેરી ક્લિન્ટનને 29 લાખ મત વધારે મળ્યા હતા પરંતુ તે ચૂંટણી હારી ગયા હતા
• 2016માં ટ્રમ્પ એટલા માટે વિજયી બન્યા કારણ કે નિર્વાચક મંડળના આંકડા મુજબ ટ્રમ્પને સફળતા મળી હતી
• અમેરિકાના રાષ્ટ્રપતિ બનવા માટે કુલ ઈલેકટોરલ વોટમાંથી 270 ઈલેકટોરલ વોટની જરૂર પડે છે
• અમેરિકાના 50 રાજ્યોમાં કુલ 538 ઈલેકટોરલ વોટ છે
• પ્રત્યેર રાજ્યને અલગ અલગ સંખ્યા મુજબ ઈલેકટોરલ વોટ ફાળવેલા છે
• નિર્વાચક મંડળ એટલે કે ઈલેકટોરલ વોટ પ્રતિનિધિ સભામાં તેમના કેટલા સભ્યો છે તેના આધારે નક્કી થાય છે જેમા બે સેનેટર પણ ઉમેરવામાં આવે છે
• હાલની સ્થિતિએ કેલિફોર્નિયા રાજ્યમાં સૌથી વધુ ઈલેકટોરલ વોટ છે જેની સંખ્યા 55 છે