અમેરિકાએ ભારતીયોના H1-B વિઝાની અરજીઓ સૌથી વધુ ફગાવી હોવાના આંકડા સામે આવ્યા છે. અધિકારીક આંકડાઓ મુજબ અમેરિકી કંપનીઓની તુલનામાં TCS અને ઇન્ફોસિસ જેવી ભારતીય IT કંપનીઓ માટે 2019માં અમેરિકાએ દર પાંચમાંથી એક H1-B વિઝાની અરજી રદ કરી છે.
અમેરિકાએ ભારતીયોના H1-B વીઝાની અરજીઓ ફગાવી
અન્ય દેશ કરતા ભારતના H1-B વીઝા રદ થવાનું પ્રમાણ વધુ
ભારત કર્મચારીઓની નિયુક્તિ પર H1-B વીઝા પર નિર્ભર
કંપનીઓ ભારત અને ચીન જેવા દેશોમાંથી દર વર્ષો હજારો કર્મચારીઓને નિયુક્ત કરવા માટે H1-B વિઝા પર નિર્ભર રહે છે. 2019માં H1-B વિઝા અરજી રદ કરવાનો દર 21 ટકા હતો જ્યારે 2018માં તે દર 24 ટકા સુધી હતો. નેશનલ ફાઉન્ડેશન ફોર અમેરિકન પોલિસી મુજબ આ દર TCS, વિપ્રો કે ઇન્ફોસિસ જેવી IT કંપનીઓ મુજબ ઘણો વધું છે છે.
જ્યારે એમેઝોન અને ગૂગલ જેવી અમેરિકી કંપનીઓ માટે ઘણો ઓછો છે. વર્ષ 2019માં TCS અને ઇન્ફોસિસ જેવી ભારતીય IT કંપનીઓમાં H1-B વીઝા અરજીઓને રદ કરવાનો દર 21થી 35 ટકા હતો. જ્યારે વિપ્રો અને મહિન્દ્રા જેવી કંપનીઓ માટે આ દર 47થી 37 ટકા રહ્યો છે.
જેના વિપરીત એમેઝોન અને ગૂગલ માટેની અરજ રદ થવાનો દર માત્ર 4 ટકા હતો. જ્યારે માઇક્રોસોફ્ટ માટે 6 ટકા અને ફેસબૂક અને વોલમાર્ટ માટેની અરજી રદ થવાનો દર 3 ટકા હતો.
H1-B વીઝા એક બીન ઇમિગ્રેન્ટ વીઝા છે જે અમેરિકાની કંપનીઓને વિશે વેપાર માટે વિદેશી કર્મચારીઓની નિમણૂંકની મંજૂરી આપે છે જેને સૈદ્ધાંતિક અથવા ટેકનિકલ વિશેષજ્ઞની જરૂરિયાત હોય છે.
નવા નિયમથી વધી મુશ્કેલી
2020માં ટ્રમ્પ સરકારે એક નવો H-1B વિઝા રેગ્યુલેશન બિલ લાવી શકે છે. બિલ પસાર થયા બાદ અમેરિકામાં ઉચ્ચ કૌશલવાળા વિદેશી નાગરિકોની નિયુક્તિ વધુ મુશ્કેલીભરી થઇ જશે.