અમેરિકન રાષ્ટ્રપતિ જો બાઇડનના પહેલા ઉચ્ચ પ્રતિનિધિ તરીકે શુક્રવારે ભારત પહોંચ્યા અમેરિકન રક્ષા મંત્રી લૉયડ ઓસ્ટિને. આજે 30 ઘાતક પ્રિડેટર ડ્રોન અને 114 લડાકૂ વિમાનની ખરીદી કરાર પર વાત થશે.
અમેરિકન રક્ષામંત્રીનો ભારત પ્રવાસ
30 ઘાતક પ્રિડેટર ડ્રોન અને 114 લડાકૂ વિમાનની ખરીદી કરાર પર થશે વાત
અમેરિકી રક્ષામંત્રી લોયડ ઓસ્ટિને પીએમ મોદી સાથે કરી મુલાકાત
ઑસ્ટિનનો ઉદ્દેશ્ય બન્ને દેશો વચ્ચે દ્વિપક્ષીય કરારોને આગળ વધારવાની સાથે રક્ષા સહયોગને પણ નવા પરિમાણો આપવાનો છે. અમેરિકન રક્ષા મંત્રીએ આ ત્રણ દિવસના પ્રવાસ પર બન્ને દેશો વચ્ચે 30 ઘાતક પ્રિડેટર ડ્રોન અને 114 એડવાન્સ લડાકૂ વિમાનોના ખરીદ સોદા પર વાતચીત થવાની શક્યતા છે. આ સિવાય ચીનની દાદાગીરી, આતંકવાદનો પડકાર અને અફઘાન શાંતિ પ્રક્રિયા પણ બન્ને દેશો વચ્ચે વાતચીતમાં મહત્વનો મુદ્દો રહેશે.
ઑસ્ટિનની મુલાકાતથી જોડાયેલી માહિતી રાખનારા એક ઉચ્ચ અધિકારીઓના જણાવ્યા અનુસાર, ભારત પોતાની ત્રણેય સેનાઓ માટે અમેરિકાથી 30 ઘાતક પ્રિડેટર ડ્રોન વિમાન ખરીદવાની યોજના બની રહી છે.
અંદાજિત 3 અરબ ડૉલરના અંદાજિત ખર્ચવાળા કરાર પર ઑસ્ટિનની સાથે વાતચીત દરમિયાન સહમતિની મહોર લાગી શકે છે. અમેરિકન પ્રમુખ રક્ષા કંપની જનરલ એટોમેક્સના પ્રિડેટર-બી ડ્રોન વિમાન અંદાજિત 35 કલાક સુધી સતત ઉડાન ભરવામાં અને જમીનથી લઇને સમુદ્ર સુધી ક્યાંય પણ નિશાના પર બોમ્બમારો કરવામાં સક્ષમ છે.
અધિકારીઓનું કહેવું છે કે, ભારત અંદાજિત 18 અરબ ડૉલરના અંદાજિત ખર્ચથી 114 લડાકૂ વિમાન પણ ખરીદવાની તૈયારીમાં છે. બે મુખ્ય અમેરિકન રક્ષા કંપનીઓ બોઈંગ અને લૉકહીડ-માર્ટિન આ રક્ષા કરાર કરવાની હોડમાં સામેલ છે.
તેવામાં ઑસ્ટિન તરફથી આને લઇને લોબીંગ કરવામાં આવી શકે છે. આ સિવાય ઑસ્ટિનના પ્રવાસમાં બન્ને દેશો વચ્ચે સૂચનાઓની આપ-લે, ક્ષેત્રીય રક્ષા કરારોને લઇને મોટી દ્વિપક્ષીય ભાગીદારીઓની જાહેરાત થવાની આશા છે.
અમેરિકન રક્ષામંત્રીએ પ્રધાનમંત્રી નરેન્દ્ર મોદી અને NSA અજિત ડોભાલ સાથે કરી હતી મુલાકાત
પીએમ મોદીએ ભારત અમેરિકાના નજીકના સંબંધોનું સ્વાગત કર્યું. આ મુલાકાત દરમિયાન વડાપ્રધાને પોતાની સરકારના કામકાજનો ઉલ્લેખ કર્યો. જે દ્વિપક્ષીય સહયોગની મહત્વપૂર્ણ ભૂમિકા પર ભાર મૂકે છે. તેમણે ઓસ્ટિન દ્વારા અમેરિકી પ્રમુખ જો બાઈડનને પોતાની શુભકામના પણ પાઠવી. પીએમ મોદી સાથેની મુલાકાત બાદ ઓસ્ટિન એનએસએ અજિત ડોભાલને પણ મળ્યાં હતા.
Pleasure to meet U.S. @SecDef Lloyd Austin today. Conveyed my best wishes to @POTUS@JoeBiden. India and US are committed to our strategic partnership that is a force for global good. pic.twitter.com/Z1AoGJlzFX
પીએમ મોદીએ ટ્વિટર પર લખ્યું કે અમેરિકાના સંરક્ષણ મંત્રી ઓસ્ટિન સાથે આજે મુલાકાત કરીને આનંદ થયો. પ્રમુખ જો બાઈડનને મારી શુભેચ્છા પાઠવી. ભારત અને અમેરિકા વિશ્વના ભલા માટે વ્યુહાત્મક ભાગીદારી પરત્વે સમર્પિત છે.
અમેરિકી રક્ષા મંત્રી ઓસ્ટિને બન્ને દેશોની વચ્ચે દ્વિપક્ષીય રક્ષા સંબંધોને મજબૂત કરવા માટે અમેરિકી સરકારની પ્રતિબદ્ધતા પણ દોહરાવી હતી. તેમણે ઈન્ડો પેસિફિક ક્ષેત્રમાં શાંતિ, સ્થિરતા અને સમૃદ્ધિ માટે રણનીતિક ભાગીદારી વધારવા માટે અમેરિકાની મજબૂત ઈચ્છાશક્તિ પણ વાત કરી.