વિશ્વમાં દિવસેને દિવસે કોરોના વાયરસનો વધતો ખતરો વધી રહ્યો છે. અત્યાર સુધીમાં 1 લાખ 82 હજાર 438 લોકોને કોરોના વાયરસની અસર હેઠળ આવ્યાં છે. જ્યારે 145 દેશમાં કોરોનાના કારણે અત્યાર સુધીમાં 7 હજાર157 લોકોના કોરોનાથી મોત નિપજ્યાં છે. ઈટલીમાં એક જ દિવસમાં 349 લોકોના મોત થયા છે. માત્ર 2 દિવસમાં ઈટલીમાં 700થી વધુ લોકોના મોત નિપજ્યાં છે. જ્યારે અનેક દેશોમાં અનેક નિર્ણય લેવાયા છે.
કોરોનાના કારણે અમેરિકામાં 2 રાજ્યોમાં કર્ફ્યૂ
ફ્રાન્સમાં 15 દિવસ માટે લોકડાઉનની જાહેરાત
અત્યાર સુધીમાં 7 હજારથી વધારે મોત તથા પોણા 2 લાખ લોકો પીડિત
Canada closes its border except for Canadians & Americans says Prime Minister of Canada, Justin Trudeau: AFP news agency #COVID19 (file pic) pic.twitter.com/7K6PUJBSR3
કોરોના વાયરસના કારણે દુનિયા આ શક્તિશાળી દેશો ઘૂટણીએ બેસવા મજબૂર થયાં છે. કોરોનાને ફેલાતો રોકવા માટે અમેરિકાએ 2 મોટો રાજ્યો ન્યૂ જર્સી અને સૈન ફ્રાંસિસ્કોમાં કર્ફ્યૂની જાહેરાત કરી છે. અહીં પણ મોલ, મલ્ટિપ્લેક્સ, કોન્સર્ટ, નાઈટ ક્લબ જેવી તમામ જગ્યાઓને બંધ કરાવી દેવામાં આવ્યા છે. અમેરિકન નાગરિકોને બહુ જ અગત્યનું કામ હોય તો જ ઘરની બહાર નિકળવા માટે સૂચન કરાયું છે. તેમજ અમેરિકન રાષ્ટ્રપતિએ 10 લોકોથી વધારે ભેગા ન થવા કહ્યું છે.
ફ્રાન્સમાં 15 દિવસ માટે લોકડાઉનની જાહેરાત
જ્યારે ફ્રાન્સમા 15 દિવસ સુધી રાષ્ટ્રવ્યાપી લોક ડાઉનની જાહેરાત કરવામાં આવી છે. ફ્રાન્સના રાષ્ટ્રપતિ ઈમૈનુઅલ મૈક્રાને સોમવારે કોરોના વાયરસના મુદ્દા પર રાષ્ટ્રને સંબોધિત કર્યા હતા. મેક્રાને આદેશ આપ્યો હતો કે કોરોનાના કારણે 15 દિવસ સુધી કોઈ ઘરમાંથી બહાર ન નીકળે. બની શકે ત્યાં સુધી સામાજિક મિલન ઓછા કરી નાંખે. જો કોઈ આ નિર્ણયનો ભંગ કરશે તો તે દંડને પાત્ર ગણાશે એમ પણ જણાવી દીધુ હતુ.
સોમવારે કુલ 638 લોકોના કોરોનાના કારણે મોત
કોરોનાને લીધે અત્યાર સુધીમાં 7 હજારથી વધારે લોકોના મોંત નિપજ્યાં છે. જ્યારે પોણા 2 લાખ કરતા વધારે લોકો કોરોનાની અસર હેઠળ છે. ઈટલીમાં એક જ દિવસમાં 349 લોકોના મોત થયા છે. માત્ર 2 દિવસમાં ઈટલીમાં 700થી વધુ લોકોના મોત નિપજ્યાં છે. સ્પેનમાં વધુ 48, ફ્રાંસમાં વધુ 21 લોકોના મોત થયા છે. જ્યારે ચીનમાં ચીનમાં વધુ 13, ઈંગ્લેડમાં વધુ 20 લોકોના મોત થયા છે. જ્યારે જર્મનીમાં વધુ 4, સ્વિડનમાં 4, બેલ્જિયમમાં 6ના મોત નિપજ્યા છે. જાપાનમાં 3, કેનેડામાં 3, ઈજિપ્તમાં 3ના મોત છે. સોમવારે કુલ 638 લોકોના કોરોનાના કારણે મોત નિપજ્યા છે. વિશ્વના 145 દેશોમાં કોરોના વાયરસનો કહેર વર્તાઈ રહ્યો છે. ભારતમાં કોરોનાના કુલ 129 કેસ નોંધાયા. સોમવારે ભારતમાં કોરોનાના વધુ 15 કેસ નોંધાયા હતા.
સ્પેન, રુસ , કેનેડાની બોર્ડર સીલ થઈ
સ્પેન અને રુસે પોતાની બોર્ડર સીલ કરી છે. જ્યારે જર્મનીમાં પ્રતિબંધ લગાવવામાં આવ્યો છે. કેનેડા અને અમેરિકનોએ દુનિયામાં પોતાના નાગરિકોને બાદ કરતા તમામ પર પ્રતિબંધ લાદ્યો છે.