અમેરિકાની અદાલતે ISROના કૉમર્શિઅલ વિભાગ અંતરિક્ષ કોર્પોરેશનને દેવસ મલ્ટી મીડિયા કંપનીને 1.2 અબજ ડોલરનો દંડ ભરવાનો હુકમ કર્યો છે
નોંધનીય છે કે અંતરિક્ષ કોર્પોરેશને 2005માં દેવસ મલ્ટી મીડિયા સાથે સેટેલાઇટ ડીલ કેન્સલ કરી હતી. જાન્યુઆરી 2005માં અંતરિક્ષે બે સેટેલાઇટ બનાવીને લોન્ચ કરવાની અને દેવસને 70 MHzના S-બેન્ડ સ્પેક્ટ્રમ પ્રોવાઈડ કરવાની ડીલ કરી હતી. આ સ્પેક્ટ્રમથી તેઓ આખા દેશમાં હાઈબ્રીડ સેટેલાઇટ અને ટેરેસ્ટ્રીયલ કોમ્યુનિકેશન સર્વિસ આપવાની યોજના હતી.
આ એગ્રીમેન્ટનો ફેબ્રુઆરી 2011માં અંતરિક્ષ દ્વારા ભંગ કરવામાં આવ્યો હતો. આ મુદ્દે દેવસે અલગ અલગ ન્યાયિક સંસ્થાઓના દરવાજા ખખડાવ્યા હતા.
27 ઓક્ટોબરે વૉશિન્ગટન સિએટલના ડીસ્ટ્રીકટ જજ થોમસ ઝીલીએ અંતરિક્ષ કોર્પોરેશનને દેવસ મલ્ટી મીડિયા કોર્પોરેશનને 526 મિલિયન ડોલરનું વળતર અને વ્યાજ સહિતની કુલ રકમ 1.2 અબજ ડોલર ભરવાનો આદેશ આપ્યો છે.