પાકિસ્તાનમાં નવી સરકાર બનવા જઈ રહી છે અને બીજી તરફ અમેરિકા તરફથી પાકિસ્તાન માટે સારા સમાચાર આવ્યા છે. અમેરિકી સંસદ દ્વારા પસાર થયેલું રક્ષા બીલ મુજબ હવે પાકિસ્તાને અમેરિકા પાસેથી સહાય મેળવવા માટે આતંકવાદી નેટવકા વિરૂદ્ધ કાર્યવાહી કરવાની જરૂર નહીં પડે.
પસાર થયેલા બીલમાં ભલે પાકિસ્તાનને મળતી સહાય ઘટાડીને 15 કરોડ ડોલર કરવામાં આવી હોય પણ આ રકમ મેળવવા માટે હક્કાની નેટવર્ક અને લશ્કર-એ-તૈયબા વિરૂદ્ધ કાર્યવાહીની પૂર્વ શરત પણ ટ્રંપ સાશને હટાવી લીધી છે. અમેરિકી કોંગ્રેસે સેનેટમાં 2019ના નાણાકીય વર્ષ માટે જોન એસ.મેક્કેન નેશનલ ડિફેન્સ ઓથોરાઈઝેશન એક્ટ 87 મત સાથે પસાર થયું છે.
ગત વર્ષે જ આ બિલ પર મહોર લગાવવામાં આવી હતી. તો રાષ્ટ્રીય સુરક્ષા પરિષદના સભ્ય અનીષ ગોયલે જણાવ્યું કે હવે પાકિસ્તાનને આ રકમ મેળવવા માટે આતંકવાદી સંગઠનો વિરૂદ્ધ કાર્યવાહી કરવાની જરૂર રહેશે નહીં. સાથો સાથ પાકિસ્તાનને આતંકવાદ વિરૂદ્ધ લડાઈ લડવા માટે કોઈ પણ જાતની સહાય આપવામાં આવશે નહીં. ટ્રંપના હસ્તાક્ષર બાદ પેંટાગન આતંકવાદી સંગઠનો વિરૂદ્ધ કાર્યવાહીને લઈને પાકિસ્તાન પર કોઈ દબાણ કરવામાં આવશે નહીં.