કોરોના વાયરસ મામલે અમેરિકા સતત ચીન વિરુદ્ધ નિવેદનબાજી કરી રહ્યું છે. હવે અમેરિકા ચીન વિરુદ્ધ કાર્યવાહીની તૈયારી કરી રહ્યું છે. વ્હાઈટ હાઉસે આ અંગે જાણકારી આપી છે. પણ એ કાર્યવાહી કઈ હશે તે અંગે કંઈ જણાવ્યું નથી. તેમણે કહ્યું છે કે ચીન વધુ કાર્યવાહી માટે તૈયાર રહે.
વ્હાઈટ હાઉસનું સામે આવ્યું નિવેદન
"અમેરિકા ચીન વિરુદ્ધ વધુ કાર્યવાહી કરવાની તૈયારીમાં
ભારત સાથેના તણાવ મુદ્દે પણ અમેરિકા છે ભારતની સાથે
ચીનના વુહાનથી ફેલાયેલા કોરોના વાયરસ બાદ અમેરિકા સતત ચીન પર કડક વલણ દાખવી રહ્યું છે. ટ્રમ્પ પણ ચીન પર સવાલ ઉઠાવતા આવ્યા છે. વ્હાઈટ હાઉસના પ્રેસ સેક્રેટરી કેલી મેકેનીએ જણાવ્યું કે,‘હું એ તો નથી જણાવી શકતી કે ચીની વિરુદ્ધ શુ પગલા ભરવાની તૈયારી છે. પરંતુ જલ્દી જ તમે એવી કાર્યવાહી અંગે સાંભળશો કે જે ચીન સાથે જોડાયેલી હશે. હું એ વાતની ખાતરી આપી શકું છું.
તેમણે એમ પણ કહ્યું હતું કે હું આ મામલે રાષ્ટ્રપતિના પહેલા કંઈ ન જણાવી શકું કે ચીન પર અમારી કાર્યવાહી શું હશે. ઉલ્લેખનીય છે કે કોરોના ઉપરાંત હોંગ કોંગમાં ચીનના નવા રાષ્ટ્રીય સુરક્ષા કાયદા, ઉઈગર મુસલમાનની સાથેનું વર્તન, તિબેટને લઈને પણ બન્ને દેશો સામ સામે છે. અમેરિકાના મુખ્ય અધિકારીઓના નિવેદનોથી એવું લાગી રહ્યું છે આ તમામ મુદ્દાઓ પર યુએસ ચીની અધિકારીઓ પર પ્રતિબંધ લગાવવા જઈ રહ્યુ છે.
ઉલ્લેખનીય છે કે સાંસદ મૈટ ગેએટ્જે એક ટ્વીટમાં કહ્યું છે કે અમેરિકામાં એ વાતને લઈને સતર્કતા હોવી જોઈએ કે ચીન એક દુશ્મન છે અને તેની વિરુદ્ધ વધારે તાકાત અને પ્રતિરોધકતા દર્શાવવાની જરુર છે. અમેરિકામાં ચીની કંપનીઓને પ્રોત્સાહન આપી ને દુશ્મનને મદદ ન કરવી જોઈએ.