અમેરિકા / ચીન સાથે ડીલ નહીં થાય તો ટેરિફ વધારવાની ટ્રમ્પની ચેતવણી, ભારત સહિત વિશ્વના શેરબજાર પર થઇ શકે છે અસર

• અમેરિકા અને ચીન વચ્ચે ટ્રેડ વોર ફરી વધવાની આશંકા
• ચીનના વાણિજય મંત્રાલયે વાતચીતના આપ્યાં હતા સંકેત

ટ્રમ્પે વ્હાઇટ હાઉસમાં પત્રકારો સાથે કરેલી વાતચીતમાં કહ્યું છે કે જો અમે ચીન સાથે કોઇ સમજૂતિ કરતા નથી તો ટેરિફમાં વધારો કરવામાં આવશે. ટ્રમ્પનું નિવેદન એવા સમયે આવ્યું છે  જ્યારે બંને આ્થિક મહાશક્તિઓ વચ્ચે સુમેળના સંકેત મળી રહ્યાં હતા. 

સાર્થક વાતચીતના મળી રહ્યાં હતા સંકેત

આ અગાઉ રવિવારે ચીનના વાણિજય મંત્રાલય દ્વારા અમેરિકા સાથે વેપાર સમજૂતિને લઇને સાર્થક વાતચીત કરવાની વાત કરી હતી. ચીનના વાણિજય મંત્રાલય અનુસાર ઉપ પ્રધાનમંત્રીએ અમેરિકા સાથે વેપાર પ્રતિનિધિ રોબર્ટ લાઇથાઇજર અને વિત્ત મંત્રી સ્ટીવન ન્યૂચિન સાથે વાતચીત કરી હતી. બંને ચરણમાં સમજૂતિમાં પોત-પોતાની ચિંતાઓને લઇને વાતચીત સાર્થક રહી છે. 
 

ભારતીય બજાર પર પણ જોવા મળશે અસર !

અમેરિકાના રાષ્ટ્રપતિ ડોનાલ્ડ ટ્રમ્પના નિવેદન ની અસર ભારત સહિત દુનિયાભરના શેરબજાર પર પડી શકે છે. ગત સપ્તાહે બીજા દિવસે મંગળવારના રોજ સેન્સેક્સ 185.51 પોઇન્ટની તેજી સાથે 40,469.70 પોઇન્ટના સ્તર પર બંધ જોવા મળ્યું હતું. જ્યારે નિફ્ટી 55.60 પોઇન્ટના વધારા સાથે 11,940.10 અંક પર રહ્યું હતું.