સાવચેત / આ ગંભીર બીમારીના શિકાર બની રહ્યા છે ભૂલકાંઓ, લીવર ટ્રાન્સપ્લાન્ટ સુધી બગાડી શકે છે હાલત

• આ ગંભીર બિમારીના શિકાર થઇ રહ્યાં છે બાળકો
• લીવર ટ્રાન્સપ્લાન્ટ સુધી બગાડી શકે છે હાલત
• તમારા ઘરે નાના ભૂલકા હોય તો ખાસ ધ્યાન આપજો

સીડીસી કરી રહ્યું છે 109 મામલાની તપાસ

25 રાજ્યો અને અલગ-અલગ ક્ષેત્રોમાં આ રહસ્યમયી બિમારીનો મામલો સામે આવ્યો છે. બે ડઝનથી વધુ દેશોમાં આ પ્રકારના અનેક મામલા સામે આવ્યાં છે. સીડીસી 109 કેસની તપાસ કરી રહ્યું છે. આ બિમારીથી ગ્રસિત બધા બાળકો પહેલા સ્વસ્થ હતા. પરંતુ હિપેટાઈટિસના આ રહસ્યમય તાવના ઝપેટમાં આવવાથી લિવરની સમસ્યા એટલી ગંભીર થઇ છે કે બાળકોને હોસ્પિટલમાં દાખલ કરવા પડ્યા. જો કે, મોટાભાગના બાળકો સાજા થયા છે. પરંતુ અત્યાર સુધીના સામે આવેલા આંકડા મુજબ 14 ટકા બાળકોને લીવર ટ્રાન્સપ્લાન્ટની જરૂર હતી અને આ બિમારીથી 5 બાળકોના મોત થયા છે. 

સીડીસીએ જાહેર કરી છે ચેતવણી

સીડીસીએ ગયા અઠવાડિયે એક સ્વાસ્થ્ય ચેતવણી જાહેર કરી. જેમાં ડૉક્ટરો અને જાહેર સ્વાસ્થ્ય અધિકારીઓને આ પ્રકારના મામલાની તલાશમાં રહેવા માટે જાણ કરી અને 1 ઓક્ટોબર, 2021 સુધીના મામલા સંબંધિત હિસ્ટ્રીની તપાસ શરૂ કરવા માટે કહ્યું છે. 

ઘરની આજુબાજુ પર્યાવરણ કારકોની પણ કરાઈ રહી છે તપાસ

સીડીસી માટે ચેપી રોગના ડેપ્યુટી ડાયરેક્ટર જય બટલરે જણાવ્યું, અહીં અને વિદેશમાં તપાસકર્તા આ બિમારીનુ કારણ નક્કી કરવા માટે સખત મહેનત કરી રહ્યાં છે. પર્યાવરણીય પરિબળોની પણ તપાસ કરાઈ રહી છે. જેમકે ઘરમાં પશુઓની ઉપસ્થિતિ સાથે અન્ય રોગજનકોની પણ તપાસ કરવામાં આવી રહી છે. કોરોનાને લઇને આશંકા સેવાઈ રહી છે.