અમેરિકન રાષ્ટ્રપતિ ડોનાલ્ડ ટ્રમ્પના ભારત પ્રવાસને લઇને સમગ્ર વિશ્વની નજર છે. તો આ સાથે અમદાવાદને આંગણે નમસ્તે ટ્રમ્પ કાર્યક્રમ યોજાવા જઇ રહ્યો છે ત્યારે આ તમામ ઘટનાક્રમ વચ્ચે મોદી કેબિનેટે આજરોજ એક મોટી ડિફેન્સ ડીલને લીલીઝંડી આપી છે. જેમાં ભારત સરકાર નૌસેના માટે અમેરિકા પાસેથી 24 મલ્ટીરોલ હેલિકોપ્ટર ખરીદવાની છે.
ભારત નેવી માટે 24 મલ્ટીરોલ હેલિકોપ્ટર ખરીદશે
ટ્રંપના ભારત પ્રવાસ પહેલા હેલિકોપ્ટર ખરીદીને મળી મંજૂરી
ઉલ્લેખનીય છે કે, મોદી કેબિનેટ નૌસેના માટે 24MH-60 હેલિકોપ્ટરની ખરીદી કરશે. આ ડિલ આશરે 2.6 બિલિયન ડોલરની રહેશે. મોદી સરકારની આ ડિલને એવા સમયે લીલી ઝંડી આપવામાં આવી છે. અમેરિકાના રાષ્ટ્રપતિ ડોનાલ્ડ ટ્રમ્પ ભારતના મહેમાન બનવાના છે.
ભારતીય નૌસેનાને થશે ફાયદો
આ ડિફેન્સ ડિલના કારણે ભારતીય નૌસેનાને ખુબ જ ફાયદો થશે. આ અમેરિકન હેલીકોપ્ટરનો ફાયદો માત્ર સેનાને જ નહીં પરંતુ ભારતીય નૌસેનાને પણ મળશે. આ સમજૂતીના કારણે ભારતને અત્યાધુનિક સબમરીને હંટર હેલીકોપ્ટર મળશે.
મોદી સરકારની મળી હતી કેબિનેટ બેઠક
નોંધનીય છે કે, દર બુધવારની જેમ જ આજરોજ પણ મોદી સરકારની કેબિનેટ બેઠક દિલ્હી ખાતે યોજાઇ હતી. જેમાં ડિલને મંજૂરી આપવામાં આવી હતી. આ બેઠકમાં દેશના ગૃહમંત્રી અમિત શાહ, નાણામંત્રી નિર્મલા સીતારમણ, સંરક્ષણ મંત્રી રાજનાથ સિંહ સહિતના મોદી સરકારના મંત્રીઓ ખાસ ઉપસ્થિત રહ્યા હતા.