ચીનની 59 એપ્સ પર પ્રતિબંધ મૂકવાના ભારતના નિર્ણય પર હવે અમેરિકાનું સમર્થન આવ્યું છે. અમેરિકાએ ભારતની આ કાર્યવાહીની પ્રશંસા કરી છે. યુએસના વિદેશ સચિવ માઇક પોમ્પિયોએ કહ્યું કે આ પગલાથી ભારતની સાર્વભૌમત્વ, અખંડિતતા અને રાષ્ટ્રીય સુરક્ષાને વેગ મળશે.
અમેરિકા આવ્યું ભારતના સમર્થનમાં
ચીનની 59 એપ્સ પર પ્રતિબંધ મૂકવાના ભારતના નિર્ણયને આપ્યો ટેકો
ઉલ્લેખનીય છે કે હાલ ભારત અને ચીન વચ્ચે તણાવ છે. ગાલવાન ખીણમાં ચીનની હરકત બાદ ભારતે તેને પાઠ ભણાવવાનું શરૂ કર્યું છે. જેમાં કૂટનીતિના ભાગરૂપે સરકાર તેમને આર્થિક મોરચે નુકસાન પહોંચાડી રહી છે.
મોદી સરકારે 59 ચીની મોબાઈલ ઍપ્સ પર લાદ્યો પ્રતિબંધ
આ અંતર્ગત સોમવારે મોદી સરકારે 59 ચીની મોબાઈલ ઍપ્સ પર પ્રતિબંધ મૂકવાનો નિર્ણય કર્યો હતો. જેમાં TikTok, ShareIt, Helo, UC Browser અને WeChat જેવી ઍપ્સ શામેલ છે.
#WATCH — India's clean app approach will boost India's sovereignty and boost integrity and national security: US Secretary of State Mike Pompeo on India's decision to ban 59 Chinese apps pic.twitter.com/NKiycBu89A
દુનિયાને કોરોના વાયરસ જેવી મહામારી આપનાર ચીન હાલ ચારે બાજુથી ઘેરાયેલું છે. એક તરફ, જ્યારે તે કોરોના પર અમેરિકાને નિશાન બનાવી રહ્યું છે, ત્યારે ભારત LAC પરની તેની કાર્યવાહીનો યોગ્ય જવાબ આપી રહ્યું છે. આ સિવાય તે દક્ષિણ ચીન સમુદ્રમાં જાપાન સાથે પણ તેનો તણાવ ચાલી રહ્યો છે.