સીરિયામાં અમેરિકી સ્પેશિયલ ફોર્સની એર સ્ટ્રાઈક પર રાષ્ટ્રપતિ જો બાઈડેનનું નિવેદન સામે આવ્યું છે. બાઈડેનના જણાવ્યા અનુસાર એર સ્ટ્રાઈકમાં ઈસ્લામિક સ્ટેટનો કમાંડર ઈબ્રાહિમ અલ હાશમી અલ કુરૈશી ઠાર થયો છે.
સીરિયામાં અમેરિકી સ્પેશિયલ ફોર્સની એર સ્ટ્રાઈક પર રાષ્ટ્રપતિ જો બાઈડેનનું નિવેદન સામે આવ્યું છે. બાઈડેનના જણાવ્યા અનુસાર એર સ્ટ્રાઈકમાં ઈસ્લામિક સ્ટેટનો કમાંડર ઈબ્રાહિમ અલ હાશમી અલ કુરૈશી ઠાર થયો છે.
શરૂઆતમાં આ હુમલામાં 13 સામાન્ય લોકો માર્યા ગયા હોવાના સમાચાર આવ્યા હતા. ત્યાર બાદ બાઈડેનનું નિવેદન સામે આવ્યું છે. જો કે, સ્થાનિક અખબારોમાં કંઈ જ અલગ કહેવાઈ રહ્યું છે. એક રિપોર્ટમાં બાઈડેન એડમિનિસ્ટ્રેશનના એક સીનિયર ઓફિસરના હવાલાથી દાવો કર્યો છે કે, ઈબ્રાહિમ માર્યો તો ગયો છે પણ તે પોતાના જ બોમ્બનો શિકાર બન્યો અને આ દરમિયાન તેની પત્ની અને બાળકો પણ માર્યા ગયા છે.
બાઈડેને શું કહ્યું ?
અમેરિકી રાષ્ટ્રપતિએ કહ્યું કે, અમારા સૈનિકોની બહાદુરીને સલામ. અમે જંગના મેદાનમાં અબૂ ઈબ્રાહિમ અલ હાશમીને ઠાર કર્યો છે. તે ISISનો લીડર હતો. ઓપરેશન બાદ હાલમાં અમેરિકી સૈનિક સુરક્ષિત રીતે પોતાના બેસ પર પાછા આવી ગયા છે.
પ્રાપ્ત વિગતો અનુસાર જોઈએ તો, ઉત્તરી સીરિયામાં કરવામા આવેલા આ ઓપરેશનને હેલીકોપ્ટરથી પહોંચેલા 24 અમેરિકી કમાંડોએ પાર પાડ્યું હતું. આ દરમિયાન રીપર ડ્રોન્સનો પણ ઉપયોગ કરવામાં આવ્યો હતો. આવું જ ઓપરેશન 2019માં કરવામા આવ્યું હતું. જેમાં ISIS અબૂ બકર અલ બગદાદી ઠાર થયો હતો.
અન્ય એક રિપોર્ટમાં જણાવ્યા અનુસાર સીરિયામાં કામ કરતા સિવિલ ડિફેંસ ગ્રુપ વ્હાઈટ હેલ્મેટ્સે આ વાતની જાણકારી આપી છે કે, તેમણે અત્યાર સુધીમાં 13 મૃતદેહોને ઘટનાસ્થળેથી બહાર કાઢ્યા છે. તેમાં 6 બાળકો અને 4 મહિલાઓના મૃતદેહ મળ્યા છે. આ ગ્રુપે એવું પણ જણાવ્યુ છે કે, તેમણે એક નાની બાળકી કે જે ઈજાગ્રસ્ત થઈ હતી, તેની સારવાર પણ કરાવી છે. જેના આખા પરિવારનું આ હુમલામાં મોત થઈ ગયા હતાં.
રાતે 1 કલાકે ઈદલિબ પ્રાંતમાં ઉતર્યા હેલીકોપ્ટર્સ
ઉત્તરી ઈદબિલ પ્રાંતના નાગરિકોએ જણાવ્યું હતું કે, તેમણે રાતના લગભગ 1 વાગ્યે હેલીકોપ્ટર્સનો અવાજ સાંભળ્યો અને ત્યાર બાદ ગોળીબારનો અવાજ આવવા લાગ્યો હતો. અમેરિકી કમાંડો અડધી રાત બાદ હેલીકોપ્ટર દ્વારા સીરિયાના અતમેહમાં ઉતર્યા હતા. આ ગામ તુર્કીની સરહદથી નજીક છે. અહીં તેમણે એક ઘરને ઘેરીને હુમલો કરી દીધો હતો.
લોકોને ઘર ખાલી કરવા માટે કહેવામાં આવ્યું
અન્ય એક રિપોર્ટમાં જણાવ્યા પ્રમાણે સીરિયન ઓબ્ઝર્વેટરી ફોર હ્યૂમન રાઈટ્સ અને સીરિયાની સોશિયલ મીડિયા રિપોર્ટ્સના એનાલિસિસ કરનારા અમેરિકી એનાલલિસ્ટ્સ જણાવે છે કે, લાઉડસ્પિકરો પર મહિલાઓ અને બાળકોને ઘર ખાલી કરવા માટે કહેવામાં આવ્યું હતું. ત્યાર બાદ બે કલાક બાદ અમેરિકી કમાંડોએ મિશન લોન્ચ કરી દીધું હતું. સેનાએ ઘર પર ગ્રેનેડ પર ફેંક્યા હતા જે બાદ ઘરમાં રહેલા આતંકીઓ તરફથી જવાબી કાર્યવાહી કરવામાં આવી હતી. બંને તરફથી લાંબી અથડામણ ચાલી હતી.