રાજકીય કટોકટી / ભારતીયો માટે 'દેવદૂત' બની અમેરિકી સેના, અફઘાનમાં ફસાયેલા 150 લોકોને બચાવવા જુઓ શું કર્યું

• અફઘાનમાં ફસાયેલા ભારતીયોને બહાર કાઢવાનું કામ ફરી શરુ
• અમેરિકાએ ભારતને કરી મોટી મદદ 
• અમેરિકી સેનાએ 50 ભારતીયોને કતર એરવેઝની ફ્લાઈટ દ્વારા દોહા મોકલ્યા 
• આ તમામ ભારતીયોને હવે દોહાથી દિલ્હી લવાશે 

ભારત જ્યારે જ્યારે પણ મુશ્કેલીમાં આવ્યો છે ત્યારે ત્યારે અમેરિકા તેની મદદે દોડી ગયું છે. અફઘાનમાં ફસાયેલા ભારતીયોને બચાવવા માટે પણ અમેરિકા આગળ આવ્યું છે. અમેરિકી સેનાએ અફઘાનિસ્તાનમાંથી લગભગ 150 ભારતીયોને બહાર કાઢીને કતર એરવેઝની ફ્લાઈટ દ્વારા દોહા મોકલી દીધા છે. 

દોહાથી 150 ભારતીયોને દિલ્હી લાવવામાં આવશે

દોહાથી 150 ભારતીયોને દિલ્હી લાવવામાં આવશે. હાલમાં કર્મશિયલ ફ્લાઈટ શરુ થઈ નથી તેમ છતાં પણ અમેરિકી સેનાએ ભારતને મદદ કરી છે. સૂત્રોએ જણાવ્યું કે અમેરિકી સેનાએ લગભગ 150 ભારતીયોને કતર એરવેઝની ફ્લાઈટ દ્વારા દોહા મોકલી દીધા છે. જોકે સુરક્ષા કારણોસર આ અંગે કંઈ વધારે જાણકારી નથી. 

17 ઓગસ્ટે અફઘાનિસ્તાનની રાજધાની કાબુલથી ભારતીય વાયુસેનાનું વિમાન 150 ભારતીયો સાથે ઘરે પરત ફર્યું હતું

આ પહેલા 17 ઓગસ્ટે અફઘાનિસ્તાનની રાજધાની કાબુલથી ભારતીય વાયુસેનાનું વિમાન 150 ભારતીયો સાથે ઘરે પરત ફર્યું હતું. એરફોર્સના સી -17 વિમાન કાબુલથી સીધા ગુજરાતના જામનગર પહોંચ્યા હતા, ત્યારબાદ ત્યાંથી નાગરિકોને ગાઝિયાબાદ લાવવામાં આવ્યા હતા.

આ પહેલા 16 ઓગસ્ટના રોજ ભારતીય વાયુસેનાના સી -19 વિમાન અફઘાનિસ્તાનના કેટલાક કર્મચારીઓ સાથે ભારત પરત ફર્યા હતા. જોકે, ઘણા ભારતીયો હજુ પણ કાબુલમાં ફસાયેલા છે.