મિલિટ્રી ડૉટ કૉમની એક રિપોર્ટ મુજબ, આર્મી સ્પોક્સપર્સન Lt. Col.Robin Ochoa એ કહ્યું કે, Tik Tokએક સાઇબર થ્રેટની જેમ છે. આર્મીનું માનવું છે કે Bytedanceની આ Tik Tok એપ અમેરિકનની જાસૂસી માટે પણ યૂઝ કરવામાં આવી શકે છે.
TikTok પર અમેરિકી આર્મીએ પ્રતિબંધ મુક્યો
પ્રતિબંધ લગાવવાનું કારણ વધારે ચોંકાવનારું
આ ચાઇનીઝ એપ નેશનલ સિક્યોરિટી માટે ખતરો
ગત મહીને અમેરિકી નેવીએ પોતાના મેમ્બર્સને Tik Tok એપને સરકાર દ્વારા આપવામાં આવેલી ડિવાઇસથી ડિલીટ કરાવી દીધી છે. રિપોર્ટના મુજબ ડિફેન્સ ડિપાર્ટમેન્ટે પોતાના કર્મચારીઓને કહ્યું છે કે, કોઇપણ એપને ડાઉનલોડ કરતા પહેલા સાવધાની રાખે.
નોંધનીય છે કે, અમેરિકામાં Tik Tok એપની તપાસ પણ ચાલી રહી છે. ઓક્ટોબરમાં કેટલાક લીડર્સે આ એપની સિક્યોરિટી પર સવાલ ઉઠાવ્યા હતા, જે બાદ તપાસ શરૂ કરવામાં આવી હતી. તપાસનો મુખ્ય વિષય એ છે કે, શું આ ચીની એપ યૂઝર્સનો ડેટા કલેક્ટ કરી રહી છે કે નહીં.
ભારતમાં ટિક ટૉક (Tik Tok) એપ પર એકવાર પ્રતિબંધ લગાવી દેવામાં આવ્યો છે. જોકે, ભારત પર પ્રતિબંધનું કારણ તેમા બતાવાતુ કન્ટેન્ટ હતું. મદ્રાસ હાઇકોર્ટે તેના પર પ્રતિબંધ મુકવાનો નિર્ણય સંભળાવ્યો હતો. આ માટે એવું કારણ બતાવાયું હતું કે, ટિક ટૉક પોર્નોગ્રાફીને પ્રોત્સાહન આપી રહ્યું છે, જેથી બાળકો પર ખરાબ અસર પડી રહી છે અને યૂઝર્સના મેન્ટલ હેલ્થ પર પણ તેનો પ્રભાવ પડી રહ્યો છે.
જોકે, બાદમાં ટિક ટૉક (Tik Tok) એ કોન્ટેન્ટ હટાવ્યું અને દાવો કર્યો કે આગળથી કંપની તેનો ખ્યાલ રાખશે અને કંપનીએ પોતાની પોલિસીમાં પણ બદલાવ કર્યો છે.