મુંબઈમાં 26/11એ થયેલા હુમલાની આજે 10મી વરસી છે. હુમલાને આજે 10 વર્ષ પૂરા થયા છે. ત્યારે અમેરિકાએ ભારત પ્રત્યે હમદર્દી વ્યક્ત કરી છે.
અમેરિકા રાજ્ય સચિવ માઈક પોમ્પિયોએ 2008માં મુંબઈમાં થયેલા આતંકી હુમલા સંબંધિત જાણકારી આપનારાને પુરસ્કાર આપવાની જાહેરાત કરી છે. પોમ્પિયોએ જાહેરાત કરી કે મુંબઈમાં થયેલા હુમલાની જાણકારી આપનારાને 50 લાખ ડોલરનું ઈનામ અપાશે.
મુંબઈમાં આતંકી હુમલાના 10 વર્ષ પૂરા થવા પર સંયુક્ત રાજ્ય અમેરિકા અને તમામ અમેરિકી નાગરિકો તરફથી ભારતના નાગરિકો અને મુંબઈ શહેર પ્રતિ સહાનુભુતિ વ્યક્ત કરૂ છું. અમે આ લોકો સાથે ઊભા છીએ કે જેઓએ પોતાના સ્વજન ગુમાવ્યા છે.
આ હુમલાએ સમગ્ર વિશ્વને હલાવી મૂક્યુ હતું. હુમલાના દોષીઓને સજા અપાવવા માટે અમેરિકા પાકિસ્તાન પર દબાણ પર ઊભુ કરશે. પણ આ એક દુઃખદ વાત છે કે હુમલાના 10 વર્ષ બાદ પણ ષડયંત્ર કરનારો મુખ્ય આરોપી હજુ કાયદાની પકડથી દૂર છે.
અમેરિકાએ 2008 મુંબઇ હુમલામા સામેલ કોઇપણ આરોપીની ધરપકડ અથવા તેને ગુનેગાર ઠેરવતી સુચના આપનારને 50 લાખ ડોલરના ઇનામની જાહેરાત સોમવારે કરી છે.