પાકિસ્તાનના પૂર્વ સેના પ્રમુખ પરવેઝ મુશર્રફે અમેરિકા પર આરોપ લગાવ્યા છે.મુશર્રફે કહ્યું કે ઈસ્લામાબાદ સામે અમેરિકા ભારતને સહકાર આપે છે.તેમને વધુમાં કહ્યું કે જયારે અમેરિકાને પાકિસ્તાનની જરૂર હોય છે ત્યારે તે પાકિસ્તાન પાસે આવે છે અને જરૂર ન હોય ત્યારે તેને છોડી દે છે.ભૂતપૂર્વ રાષ્ટ્રપતિ અને ઓલ પાકિસ્તાન મુસ્લિમ લીગના વડા મુશર્રફે વોઇસ ઓફ અમેરિકા સાથેની મુલાકાતમાં નિવેદન આપ્યું હતું.
આ નિવેદનને કારણે પાકિસ્તાન-અમેરિકાના સંબંધ વણસે તેમ લાગી રહ્યું છે.રાજદ્રોહના આરોપોનો સામનો કરી રહેલા મુશર્રફ છેલ્લા 1 વર્ષથી દુબઈ રહ્યા છે.સ્વાસ્થ્ય અંગેના કારણોસર તેમને દેશમાંથી બહાર જવાની મંજૂરી આપવામાં આવી હતી.
મુશર્રફે કહ્યું કે શીત યુદ્ધ દરમિયાન અમેરિકાએ ખુલ્લેઆમ ભારતને ટેકો આપ્યો હતો અને હવે અમેરિકા-પાકિસ્તાન સામે ભારત સાથે ઉભું છે.વધુમાં તેમણે કહ્યું કે સંયુક્ત રાષ્ટ્રોને અફઘાનિસ્તાનમાં ભારતની ભૂમિકાની તપાસ કરવા માગીએ છીએ.