PHOTOS / ટ્રમ્પ આવે તે પહેલાં અમેરિકાથી અમદાવાદ આ તાકાતવર પ્લેન પહોંચ્યું, અંદર શું છે તે જાણીને દંગ રહી જશો

• અમદાવાદ આવશે અમેરિકન રાષ્ટ્રપતિ ડોનાલ્ડ ટ્રમ્પ 
• ટ્રમ્પની મુલાકાત પૂર્વે USનું કાર્ગો વિમાન પહોંચ્યું અમદાવાદ
• 200 અમેરિકન સુરક્ષા કર્મીઓ કરશે ટ્રમ્પની સુરક્ષા

નોંધીય છે કે, ડોનાલ્ડ અને મેલાનિયા ટ્રમ્પ 24-25 ફેબ્રુઆરીએ ભારતની મુલાકાતે આવશે. ટ્રમ્પ 24 ફેબ્રુઆરીએ પ્રથમ ગુજરાતના અમદાવાદ આવશે. ટ્રમ્પનો ભવ્ય કાર્યક્રમ અમદાવાદના મોટેરા સ્ટેડિયમ ખાતે યોજાવાનો છે. આ સમય દરમિયાન, ડોનાલ્ડ ટ્રમ્પના પ્રવાસ માટેની સુરક્ષા વ્યવસ્થાની તૈયારી લગભગ પૂર્ણ થઈ ગઈ છે. ટ્રમ્પ માટે એક અભેદ્ય સુરક્ષા સિસ્ટમ બનાવવામાં આવી છે.

ટ્રમ્પની સુરક્ષા કરતા તમામ વાહનો પહોંચ્યા અમદાવાદ 

આ દરમિયાન સોમવારે અમેરિકન એરફોર્સ હર્ક્યુલસ વિમાન અમદાવાદ એરપોર્ટ પહોંચ્યું હતું. આ વિમાનમાં તે તમામ વાહનોનો સમાવેશ કરવામાં આવ્યો છે જે ટ્રમ્પનું રક્ષણ કરવાના છે. અમેરિકન એરફોર્સના હર્ક્યુલસ વિમાનમાં કાફલા વાહનો, ફાયર સેફ્ટી સિસ્ટમ્સ અને જાસૂસ કેમેરા જેવી વસ્તુઓ શામેલ છે.

200 અમેરિકન સુરક્ષા કર્મીઓ કરશે ટ્રમ્પની સુરક્ષા

જણાવવામાં આવી રહ્યું છે કે, ડોનાલ્ડ ટ્રમ્પની અમદાવાદ મુલાકાત સમયે સુરક્ષામાં 200 અમેરિકન સુરક્ષાકર્મીઓ (CIA) કમાન સંભાળશે. તેઓ અમદાવાદ પોલીસ તથા દેશની સુરક્ષા એજન્સીની સાથે કો-ઓર્ડિનેટ કરશે. 

યુ.એસ.સીક્રેટ એજન્સીએ મોટેરા સ્ટેડિયમની લીધી મુલાકાત 

ટ્રમ્પના આગમનને ગણતરીના દિવસો બાકી હોવાથી તંત્ર તડામાર તૈયારી કરી રહ્યું છે. સુરક્ષાને ધ્યાને રાખીને શહેર પોલીસ અને યુ.એસ.સીક્રેટ એજન્સી કામે લાગી છે. યુ.એસ.સીક્રેટ એજન્સી અને ક્રાઇમ બ્રાન્ચના સ્પેશિયલ સી.પી.અજય તોમરે મોટેરા સ્ટેડિયમની મુલાકાત લીધી હતી. તો સ્ટેડિયમમાં ડોગ સ્ક્વોડ સાથે ચેકિંગ હાથ ધરાયું હતું. મનપાના હેલ્થ વિભાગે સ્વચ્છતા અભિયાન પણ શરૂ કર્યું છે. સ્ટેડિયમમાં ફોગિંગ કરાયું હતું. 

એરપોર્ટ ઓથોરિટી ઓફ ઇન્ડિયાને આપવામાં આવ્યા આદેશ 

એરપોર્ટ ઓથોરિટી ઓફ ઇન્ડિયાને પણ આદેશ આપવામાં આવ્યા છે કે, ટ્રમ્પના આવ્યા પહેલા અમદાવાદ આવનારી તમામ ફ્લાઇટને 3 કલાક સુધી અટકાવી રાખવામાં આવે. 

કેવી હશે ટ્રમ્પની સુરક્ષા

ટ્રમ્પના આગમનને લઈ લોખંડી સુરક્ષા વ્યવસ્થા ગોઠવવામાં આવી છે. અલગ અલગ વિભાગમાં બંદોબસ્ત ગોઠવવામાં આવશે. સમગ્ર રૂટ પર ૨૦૦ સીસીટીવી કેમેરા અને NSG અને SPG ના અલગ ડ્રોન કેમેરાની નજર રહેશે. સિક્રેટ સર્વિસ અને IB હાજર રહેશે. તો SPG, NSG અને ગુજરાત પોલીસ ખડેપગેરહેશે . જેમાં 25 IPS, 65 ACP, 200 PI, 800 PSI અને 10 હજાર પોલીસકર્મીઓ તૈનાત રહેશે. 

જેટ એરફોર્સ 1 ઉપરાંત 6 વિમાન રહેશે

એટલું જ નહીં એર સુરક્ષાને પણ ધ્યાનમાં લેવાઈ છે. એર સુરક્ષાને ધ્યાનમાં રાખી વિમાનો કાફલો પણ રહેશે. કાફલામાં અમેરિકાના અધિકારીઓ જેટ એરફોર્સ 1 ઉપરાંત 6 વિમાન રહેશે. કહેવામાં આવી રહ્યું છે તેમાં અલગ અલગ હેલીકોપ્ટર, કાર અને કાર્ગો પણ હશે. તેમજ ટ્રમ્પ પોતાની સિક્રેટ સર્વિસનો કાફલો લઈને આવશે. જેનો બે દિવસનો સુરક્ષાનો ખર્ચો 3 કરોડની આસપાસ હોય છે. જે જે તે દેશના પ્રવાસ પર આધારિત છે. 

આંતરીક સુરક્ષા ટુકડી સંપૂર્ણ રીતે પ્રેસિડન્ટની સુરક્ષા ટીમ સંભાળે 

જ્યારે કોઈ પણ દેશમાં ટ્રમ્પનો કાફલો ચાલે છે કો ત્યાના સ્થાનિક સુરક્ષા કર્મીઓ સિવાય ટ્રમ્પના પોતાના સુરક્ષા કર્મીઓ પણ હોય છે. જે હજારોની સંખ્યામાં હોય છે. આંતરીક સુરક્ષા ટુકડી સંપૂર્ણ રીતે પ્રેસિડન્ટની સુરક્ષા ટીમ સંભાળે છે. 

આગળનો રસ્તો સાફ કરવાનું કામ આમનું જ હોય છે

આંતરીક સુરક્ષામાં સામાન્ય રીતે 14 વાહનો હોય છે. સૌથી આગળ અને આજુ બાજુમાં 9 બાઈક ચાલે છે. જે આધુનિક ટેક્નોલોજીવાળા હોય છે. જે કોઈ પણ સંકટમાં પહોંચી વળવાની ક્ષમતા ધરાવે છે. આગળનો રસ્તો સાફ કરવાનું કામ આમનું જ હોય છે.