વિશ્વ / પ્રોટીન પાવડર પીનારા સાવધાન! 6000 હજારથી વધુ ટબ્સમાં મળી ખતરનાક વસ્તુ, ડબ્બાઓ પરત લેવા આદેશ

Protein Powder : યુએસ ફૂડ એન્ડ ડ્રગ એડમિનિસ્ટ્રેશન (FDA) એ તાજેતરમાં બજારમાંથી 6000 થી વધુ પ્રોટીન પાઉડર ટબને પાછા બોલાવવાનો આદેશ આપ્યો છે. વાસ્તવમાં આ રિકોલ કરવાનું કારણ આ પ્રોટીન પાવડરમાં જોખમી પદાર્થોની હાજરી છે, જે સ્વાસ્થ્ય માટે ગંભીર ખતરો બની શકે છે. આ રિકોલ ઉચ્ચ જોખમ સ્તરનું છે, જેનો અર્થ છે કે આ ઉત્પાદનોનો ઉપયોગ ગ્રાહકો માટે સંભવિત ઘાતક બની શકે છે.

FDAના રિપોર્ટ અનુસાર આ પ્રોટીન પાઉડરના ટબમાં એવા ઘટકો મળી આવ્યા છે જે પાચન તંત્ર અને શરીરના અન્ય ભાગોને નુકસાન પહોંચાડી શકે છે. તે અમુક પ્રકારની દૂષિત સામગ્રી અથવા સંભવિત ઝેરી તત્વોની હાજરી સૂચવે છે. આ ઉત્પાદનોનો ઉપયોગ મોટાભાગે જીમમાં જનારાઓ અને ફિટનેસ ઉત્સાહીઓ દ્વારા કરવામાં આવે છે જે બાબતને વધુ સંવેદનશીલ બનાવે છે.

નિષ્ણાતો ચેતવણી આપે છે કે, જો આ દૂષિત પ્રોટીન પાઉડરનું સેવન કરવામાં આવે તો તે ગંભીર સ્વાસ્થ્ય સમસ્યાઓનું કારણ બની શકે છે. જેમ કે પેટમાં બળતરા, અપચો, એલર્જી અથવા તો ગંભીર આંતરિક ચેપ. FDAએ ગ્રાહકોને અપીલ કરી છે કે, તેઓ આ ઉત્પાદનોનો ઉપયોગ તાત્કાલિક બંધ કરે અને તેમને તેમના નજીકના રિટેલરને પરત કરે. આ ઘટનાએ પ્રોટીન પાઉડર ઉદ્યોગમાં સલામતીના ધોરણો પર પ્રશ્નો ઉભા કર્યા છે. ઉપભોક્તાઓને ઉત્પાદન ખરીદતા પહેલા બ્રાન્ડના પ્રમાણપત્રો અને વિશ્વસનીયતા તપાસવાની સલાહ આપવામાં આવે છે.

વધુ વાંચો : ઈઝરાયલ હમાસ વચ્ચે સીઝફાયર ડીલ ડન, નેતન્યાહૂની ઓફિસે કર્યું એલાન

તમારે આ બાબતોનું ધ્યાન રાખવું જોઈએ

જો તમે તાજેતરમાં કોઈ પ્રોટીન પાવડર ખરીદ્યો હોય તો તેનો બેચ નંબર અને ઉત્પાદન તારીખ તપાસો. જો તે અસરગ્રસ્ત ઉત્પાદનોની સૂચિમાં દેખાય છે તો તરત જ તમારા આરોગ્ય નિષ્ણાતની સલાહ લો. આ ઘટના આપણને યાદ અપાવે છે કે, હેલ્થ અને ફિટનેસના નામે માર્કેટમાં આવતી દરેક પ્રોડક્ટની ગુણવત્તા પર વિશ્વાસ કરવો ખતરનાક બની શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ