ફિલ્મફેર એવોર્ડમાં એક્ટ્રેસ ઉર્વશી રૌતેલાએ રેડ ડ્રેસ પહેરીને હાજરી આપી હતી, આ ડ્રેસની ખાસ વાત એ છે કે, તેને પકડવા માટે ચાર લોકોની જરૂર પડતી હતી. આ વાતનો ખુલાસો ઉર્વશીએ પોતે ઇન્સ્ટાગ્રામ પર કર્યો.
ઉર્વશીએ ડિઝાઈનર અલબીનાનો ડ્રેસ પહેર્યો હતો. આ ડ્રેસ 730 કલાકમાં તૈયાર થયો હતો. તેની લંબાઈ એટલી હતી કે આસપાસની ચાર ખુરશીમાં કોઈ અન્ય વ્યક્તિ બેસી શક્યું ન હતું. તેને સપોર્ટ કરવા બદલ પોતાની ટીમનો આભાર માન્યો હતો. ઉર્વશીને કોઈપણ કેટેગરીમાં નોમિનેશન મળ્યું ન હતું.
જોકે ઉર્વશીના આ ડ્રેસને લઇને સોશ્યલ મીડિયા પર સતત ચર્ચા થઇ રહી છે. એક યૂઝરે લખ્યુ કે, ''અમારી બ્લેન્કકેટ પણ આનાથી નાની હોય છે.'' તો અન્ય એક યૂઝરે કહ્યુ કે, ''કેટલા લોકોની જગ્યા લઇને બેઠી છે.''તો એક યૂઝરે કહ્યુ કે, ''કમ્બલ લઇને કેમ આવી છે.''