મનોરંજન / પંત અને ઉર્વશી વચ્ચે શું ખિચડી રંધાઈ રહી છે? શુભમન ગિલે ખોલી નાંખી પોલ

• ઋષભ પંત અને ઉર્વશી રૌતેલા રહે છે ચર્ચામાં
• બન્ને એક સમયે ડેટ કરતા હાલ બને વચ્ચે અણબનાવ
• એક ઈન્ટરવ્યૂમાં શુભમન ગિલે બન્ને વિશે કર્યો ખુલાસો 

ક્રિકેટર ઋષભ પંત અને બોલિવૂડની બ્યુટી ક્વીન ઉર્વશી રૌતેલા લોકો વચ્ચે ખુબ ચર્ચામાં રહે છે. બન્ને વચે ઘણી વાર પોસ્ટ વોર પર જોવા મળી હતી. ઉર્વશી અને ઋષભ પંત વચ્ચેના પ્રેમ-નફરતના સંબંધો ટાઉન ઓફ ધ ટોક બની રહ્યા છે. પણ બંને વચ્ચે શું સંબંધ છે? ચાહકો પણ જાણવા આતુર છે. હવે ભારતીય ક્રિકેટર શુભમન ગિલે ચાહકોને ઉર્વશી અને ઋષભ પંત વચ્ચેના સંબંધોની સત્યતા જણાવી છે. 

શુભમન ગિલે ખુલાસો કર્યો
શુભમન ગિલની એક ઇન્ટરવ્યુ ક્લિપ આ દિવસોમાં સોશિયલ મીડિયા પર ઝડપથી વાયરલ થઈ રહી છે. વાયરલ વીડિયોમાં એન્કર શુભમન ગિલ ઉર્વશી અને ઋષભ પંતના સંબંધો પર સવાલ ઉઠાવતા જોવા મળે છે. શુભમન ગિલને પૂછવામાં આવ્યું- શુભમન, આજકાલ ઋષભ પંતને અભિનેત્રીના નામે ખૂબ ચીડવામાં આવે છે. શું તેને ટીમમાં પણ એ જ રીતે ચીડાવવામાં આવે છે?

ખુદની છેડતી કરે છે 
આ સવાલ પર શુભમન ગિલે કહ્યું- તે પોતાની જાતને જ છેડતી કરી રહી છે. તેને રિષભ પંત સાથે કોઈ લેવાદેવા નથી. તે પોતાની રીતે જ કાંઇક ને કાંઇક કરે છે અને કહે છે કે મને છેડો. શુભમન ગીલને આગળ પૂછવામાં આવ્યું કે શું ઋષભ પંત આ બધાથી વિચલિત થઈ જાય છે? આના પર શુભમન ગિલે જવાબ આપ્યો- ના, તેને બિલકુલ પરવા નથી, કારણ કે તે જાણે છે કે કંઈ નથી. શુભમન ગિલના આ જવાબ પર બંને ખૂબ હસવા લાગે છે. 

Shubhman Gill on Urvashi Rautela🤣 #RishabhPant #shubhmangill pic.twitter.com/7WVGneU5Vb

— Nii🪴☄️ (@11justmythought) November 19, 2022

ઉર્વશી રૌતેલા અને ઋષભ પંત વચ્ચે કેમ થયો અણબનાવ?
મીડિયા રિપોર્ટ્સ અનુસાર, ઉર્વશી રૌતેલા અને રિષભ પંત એક સમયે એકબીજાને ડેટ કરી ચૂક્યા છે. જોકે હવે બંને વચ્ચે ઘણું અંતર આવી ગયું છે. રિષભ પંત અને ઉર્વશી રૌતેલા એકબીજાને ટોણો મારવાનો કોઈ મોકો છોડતા નથી. બંને વચ્ચેનો અણબનાવ પણ ચર્ચામાં રહે છે. 

બન્ને વચ્ચે શીત યુદ્ધ ચાલુ છે
એવું માનવામાં આવે છે કે ઉર્વશી રૌતેલાના ઇન્ટરવ્યુ પછી જ બંને વચ્ચે શીત યુદ્ધ શરૂ થયું હતું. ઋષભ પંત તરફ ઈશારો કરતા ઉર્વશીએ એક ઈન્ટરવ્યુમાં કહ્યું હતું કે એકવાર એક વ્યક્તિ હોટલની લોબીમાં 10 કલાક સુધી તેની રાહ જોતો હતો. ઉર્વશીનો વીડિયો વાયરલ થયા બાદ ક્રિકેટર ઋષભ પંતે તેની મજાક ઉડાવતા એક ઇન્સ્ટા સ્ટોરી પોસ્ટ કરી હતી. ઋષભ પંતે તેની ઈન્સ્ટા સ્ટોરીમાં તેનું નામ લીધા વિના લખ્યું હતું - પીછો છોડો બહેન. જો કે, ઇન્સ્ટા સ્ટોરી પોસ્ટ કર્યાના થોડા સમય બાદ રિષભે તેને ડિલીટ પણ કરી દીધી હતી. પરંતુ બંને વચ્ચે અણબનાવ હજુ પણ યથાવત છે. શું બંને વચ્ચેનું અંતર ઓછું થઇ જશે? આ તો સમય જ કહેશે.