સંસદમાં રવિ કિશન અને જયા બચ્ચનના નિવેદન પછી બોલિવૂડ બે જૂથોમાં વહેંચાઈ ગયું છે. કેટલાક જયાની તરફેણમાં સોશિયલ મીડિયા પર પોતાના મંતવ્યો આપી રહ્યાં છે તો કેટલાક રવિ કિશનને સમર્થન આપતા જયાના નિવેદનનો વિરોધ કરી રહ્યાં છે. હાલમાં જ બોલિવૂડની 'છમ્મા-છમ્મા' ગર્લ એટલે કે ઉર્મિલા માતોંડકરે જયા બચ્ચનના નિવેદનને સમર્થન આપતા કંગના રનૌત પર નિશાન સાધ્યું હતું, ત્યારબાદ કંગનાએ ઉર્મિલાને 'સોફ્ટ પોર્ન સ્ટાર' ગણાવી. તો એક્ટ્રેસે પંગા ક્વિન પર ફરી એકવાર નિશાન સાધતા પલટવાર કર્યો છે.
કંગના સતત ચર્ચમાં
જયા બચ્ચન બાદ હવે ઉર્મિલા માતોંડકરને લીધી આડેહાથ
ઉર્મિલા માતોંડકરને કહી સોફ્ટ પોર્ન સ્ટાર
કંગનાએ એક ઈન્ટરવ્યૂમાં કહ્યું, ઉર્મિલા સોફ્ટ પોર્ન સ્ટાર છે. આ સાંભળવામાં ખરાબ લાગશે, પરંતુ તે ચોક્કસપણે તેની એક્ટિંગ માટે જાણીતી નથી. તે સોફ્ટ પોર્ન માટે જાણીતી હતી. જો તેને ટિકિટ મળી શકે છે તો મને કેમ ના મળી શકે. કોઈને પણ ટિકિટ મળી શકે છે.
કંગનાએ કહ્યું કે તેણે ઉર્મિલાનો અપમાનજનક ઇન્ટરવ્યૂ જોયો, જે રીતે તે મારા વિશે વાત કરી રહી છે, તે જોઈને ગુસ્સો આવી જાય. તેણે મારા સંઘર્ષોની મજાક ઉડાવી. તે મારા પર અટેક કરી રહી છે કારણ કે મને ભાજપ તરફથી ટિકિટ જોઈએ છે. તેણે કહ્યું કે મારા માટે તે એટલું મુશ્કેલ નથી.
બોલિવૂડ એક્ટ્રેસ ઉર્મિલા માતોંડકરે કંગના રનૌતનું નામ લીધા વિના અભિનેત્રી પર ટોણો માર્યો છે. તેણે એક ટ્વિટમાં શિવાજી મહારાજની એક તસવીર શેર કરી, જેમાં લખ્યું છે કે- 'બદલો મનુષ્યને સળગાવતો રહે છે, સંયમ જ બદલો લેવાની ભાવનાને કાબૂમાં લેવાનો એકમાત્ર રસ્તો છે. શિવાજી મહારાજ અમર રહે.
હકીકતમાં બંને વચ્ચેનો મતભેદ ત્યારે શરૂ થયા જ્યારે ઉર્મિલાએ જયા બચ્ચનના નિવેદનને સમર્થન આપતાં કહ્યું હતું કે જો કંગના હિન્દી ફિલ્મ ઈન્ડસ્ટ્રીમાં ડ્રગ્સના ખતરા પર આટલી બધી વાતો કરવા માંગે છે, તો તેણે તેના રાજ્યથી શરૂ કરવું જોઈએ. ઉર્મિલાએ પૂછ્યું હતું કે શું તેને ખબર છે કે, હિમાચલ જ ડ્રગ્સને જન્મ આપનાર છે?