મનોરંજન / પોર્ન સાઇટ પર અપલોડ થઈ ગયો હતો ફોટો, પરિવારે પણ સાથ ન આપ્યો, અભિનેત્રીએ કરી દીધી મોટી વાત

• ઉર્ફી જાવેદની પોર્ન સાઈટ પર અપલોડ થઇ હતી તસવીર 
• મરવાને બદલે લડવાનું પસંદ કર્યું - ઉર્ફી જાવેદ 
• પરિવારે પણ કરી હતી સ્લટ શેમ 

ઉર્ફી જાવેદની પોર્ન સાઈટ પર અપલોડ થઇ હતી તસવીર 

એક્ટ્રેસ ઉર્ફી જાવેદ આજના સમયમાં સોશિયલ મીડિયા સેન્સેશન છે. તેની અતરંગી સ્ટાઈલ અને ફેશન સેન્સ હંમેશા ચર્ચામાં રહે છે. જોકે ઘણી વાર વોર્ડરોબ મેલફંક્શનને કારણે ટ્રોલ્સનાં નિશાના પર પણ તે રહે છે, પરંતુ તેને કંઈ ફરક પડતો નથી. તે એ જ કરવુ પ્રીફાર કરે છે, જે તેનું મન કહે છે. ઘણી યંગ એજમાં ઉર્ફી જાવેદ સ્લટ શેમ થઇ ચુકી છે. હાલમાં જ એક લેટેસ્ટ ઇન્ટરવ્યૂમાં ઉર્ફી જાવેદે આ વાત જણાવી હતી. તેણે કહ્યું હતું કે 15 વર્ષની જ્યારે તે હતી, ત્યારે તેની એક તસવીર પોર્ન સાઈટ પર કોઈએ અપલોડ કરી હતી, જ્યાર બાદ તેમના પરિવારે જ તેને સ્લટ શેમ કરી હતી. સીટીનાં લોકો પણ આમાં સામેલ હતા. લખનૌમાં આ ઘટના બની હતી. 

ઉર્ફીએ આપ્યો જવાબ 
આરજ અનમોલ અને અમૃતા રાવ સાથે વાતચીત દરમિયાન ઉર્ફી જાવેદે કહ્યું હતું કે હું લખનૌમાં હતી અને 15 વર્ષની હતી. મેં ઓફ શોલ્ડર ટોપ પહેર્યું હતું. એ સમયે લખનૌમાં એ પ્રકારના કપડા પહેરાવામાં આવતા ન હતા અને મળતા પણ ન હતા. આવામાં મેં પોતાના એક ટોપને કાપીને તે બનાવ્યું હતું. મેં ફેસબુક પર તે ટોપ પહેરીને ફોટો અપલોડ કર્યો હતો અને કોઈએ તે ફોટો પોર્ન સાઈટ પર અપલોડ કર્યો હતો. 

ઉર્ફી જાવેદે આગળ કહ્યું કે તે એક સાધારણ ટ્યુબ ટોપ હતું. તેમાં કંઈ જ ખરાબ કે ગંદુ હતું નહીં. લોકોએ મને સ્લટ શેમ કરી. આખું સીટી, ટાઉન, મારો પરિવાર પણ આમાં સામેલ હતો. તેમણે કહ્યું કે તે આ શું પહેર્યું છે, તારી ભૂલ છે. એક તો છોકરી થઈને તે આવું પહેર્યું અને પછી તારામાં એટલી હિંમત આવી ગઈ કે આ પહેરીને તે ફેસબુક પર તસવીર અપલોડ કરી દીધી.

મરવાને બદલે લડવાનું પસંદ કર્યું - ઉર્ફી જાવેદ 

અમૃતા રાવ અને આરજે અનમોલે ઉર્ફી જાવેદને પૂછ્યું કે તે સમયે તેમણે આ સ્થિતિને ક્યા પ્રકારે હેન્ડલ કરી. આના જવાબમાં ઉર્ફી જાવેદે કહ્યું કે મને ખબર ન હતી કે મારે આ સ્થિતિમાં ક્યા પ્રકારે લડવું જોઈએ. તમે જાણી શકતા નથી કે તમે કેટલા મજબૂત છો, જ્યાર સુધી તમે કોઈ સ્થિતિનો સામનો નથી કરતા. લડી લો નહીતર મારી જાઓ. મારામાં મરવાના ગટ્સ ન હતા, એટલે મેં લડવાનું પસંદ કર્યું.