રિપોર્ટ / મોદી સરકાર માટે રાહતના સમાચાર, શહેરી બેરોજગારી દરમાં આવ્યો ઘટાડો

• જાન્યુઆરી અને માર્ચ વચ્ચે શહેરી બેરોજગારી દર (Unemployment Rate) માં ઘટાડો
• જાન્યુઆરી-માર્ચ વચ્ચે શહેરી બેરોજગારી દર ઘટીને 9.3 ટકા પર પહોંચ્યો
• ઓક્ટોબર-ડિસેમ્બર (2018) ક્વાર્ટરમાં લગભગ 9.9 ટકા હતો

શહેરી બેરોજગારી દર ઓક્ટોબર-ડિસેમ્બર (2018) ક્વાર્ટરમાં લગભગ 9.9 ટકા હતો. રોયટર્સ અનુસાર, આ સરકારી રિપોર્ટ જલ્દી જ પ્રકાશિત થશે. જોકે, તેમા ગ્રામ્ય બેરોજગારી દર (Unemployment Rate) ને લઇને કોઇપણ જાણકારી નથી. 

આ રિપોર્ટ 'કરન્ટ વિકલી સ્ટેટસ' ને આધાર માનીને તૈયાર કરવામાં આવી છે. આ નિયમ હેઠળ એક વ્યક્તિ એ સપ્તાહમાં બેરોજગાર માનવામાં આવે છે. જે સપ્તાહમાં તેને એક કલાક માટે પણ કામ મળતુ નથી. 

રિપોર્ટ અનુસાર, યુવા બેરોજગારી દરમાં પણ ઘટાડો આવ્યો છે. 15-29 વર્ષના યુવાઓ જે દેશની કુલ વસ્તીના એક તૃતિયાંશ છે, તેમનો બેરોજગારી દર જાન્યુઆરી-માર્ચ ક્વાર્ટરમાં ઘટીને 22.5 ટકા રહ્યો. ઓક્ટોબર-ડિસેમ્બર (2018) ક્વાર્ટરમાં આ દર 23.7 ટકા હતો.