VTV વિશેષ / ગુજરાતમાં મંદી? દેશના અન્ય શહેરોની સરખામણીએ ગુજરાતી ખર્ચ કરવામાં પાછો પડ્યો

Team VTV 03:35 PM, 09 Dec 19 | Updated: 10:33 PM, 09 Dec 19
Urban Gujarat monthly spends lower than national average says NSS report

સરકારના 'ગુજરાત મોડલ'ના કાંકરા કરી નાખતા એક સરકારી અહેવાલ પ્રમાણે ગુજરાતના શહેરી વિસ્તારોમાં વ્યક્તિ દીઠ મહિનાના ખર્ચની રકમ દેશના કુલ શહેરી વિસ્તારોની સરેરાશ કરતા ઓછી છે. રસપ્રદ વાત એ છે કે ગ્રામીણ વિસ્તારોમાં ગુજરાતના આંકડા દેશના કુલ ગ્રામીણ વિસ્તારોની સરેરાશ કરતા વધુ સારા છે.

  • વ્યક્તિ દીઠ મહિનાના ખર્ચની રકમ ગુજરાતના શહેરી વિસ્તારોમાં 2581 રૂપિયા 
  • દેશની શહેરી વિસ્તારોની સરેરાશ 2630 રૂપિયા 
  • ગુજરાતના ગ્રામીણ વિસ્તારોમાં 1536 રૂપિયા 
  • દેશની ગ્રામીણ વિસ્તારોની સરેરાશ 1430 રૂપિયા 

કન્ઝ્યુમર્સ અફેર્સ, ફૂડ એન્ડ પબ્લિક ડિસ્ટ્રીબ્યુશન (ગ્રાહક, ખાદ્ય અને સાર્વજનિક વિતરણ) મંત્રાલયે જાહેર કરેલા આંકડાઓ અનુસાર વ્યક્તિ દીઠ મહિનાના ખર્ચની રકમ ગુજરાતના શહેરી વિસ્તારોમાં 2581 રૂપિયા છે જ્યારે શહેરી વિસ્તારોમાં દેશનો સરેરાશ આંકડો 2630 છે.

નોંધનીય છે કે ગુજરાતના ખર્ચના આંકડા અન્ય રાજ્યો કરતા પણ ઓછા છે. અન્ય રાજ્યોના આંકડા આ પ્રમાણે છે.

રાજ્યો વ્યક્તિ દીઠ મહિનાના ખર્ચના આંકડા રૂપિયામાં (ગ્રામીણ વિસ્તાર) વ્યક્તિ દીઠ મહિનાના ખર્ચના આંકડા રૂપિયામાં (શહેરી વિસ્તાર)
ગુજરાત 1536 2581
મહારાષ્ટ્ર 1619 3189
મધ્ય પ્રદેશ 1152 2058
રાજસ્થાન 1598 2442
પંજાબ 2345 2794
આંધ્રપ્રદેશ 1754 2685
દેશની સરેરાશ 1430 2630
Souce : Mospi NSS 75th Survey

આ ઉપરાંત હિમાચલ પ્રદેશ જેવા નાના રાજ્યોમાં પણ વ્યક્તિ દીઠ મહિનાના ખર્ચના આંકડા ગુજરાત કરતા ચડિયાતા છે. 

આ આંકડાને NSS નેશનલ સેમ્પલ સર્વેના 75માં રાઉન્ડમાં બહાર પાડવામાં આવ્યા હતા. આ સર્વેમાં વ્યક્તિ દીઠ મહિનાના ખર્ચની રકમ અને કુટુંબોનું અને લોકોનું આ આંકડા મુજબ વર્ગીકરણ કરવામાં આવ્યું હતું. તેનો મુખ્ય ઉદ્દેશ ઉત્પાદન અને સેવાઓ ઉપરના સરેરાશ ખર્ચને જાણવાનો હતો. આ આંકડા વડે અર્થતંત્રમાં લેવાતા આધારભૂત આંકડાઓમાં પણ બદલાવ કરવાનો ઉદ્દેશ હતો.

મંદી ખર્ચ ગુજરાત અર્થતંત્ર National Sample Survey નેશનલ સેમ્પલ સર્વે gujarat Economy Economic Slowdown Expenditure

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ