મારૂતિ સુઝુકી નેક્સા કારો પર ડિસ્કાઉન્ટ મળી રહ્યું છે. જો તમે આ મહિને નવી કાર લેવાનું વિચારી રહ્યાં છો તો તમે મારૂતિની ઈગ્નિસ, મારૂતિ સુઝુકી સિયાઝ અને મારૂતિની બલેનો પર બંપર ડિસ્કાઉન્ટ મેળવી શકો છો. તો ચાલો જાણો કેટલું ડિસ્કાઉન્ટ મળશે.
મારૂતિ સુઝુકી S-Cross
આ કાર કંપનીએ થોડાં સમય પહેલાં પેટ્રોલ એન્જિન સાથે લોન્ચ કરી હતી. આ પહેલાં આ કાર માત્ર ડીઝલમાં ઉપલબ્ધ હતી. 1.5 લીટર પેટ્રોલ એન્જિનવાળી આ કાર પર 10,000 રૂપિયાનું ડિસ્કાઉન્ટ મળી રહ્યું છે.
મારૂતિ સુઝકી બલેનો
મારૂતિની બલેનો હેચબેક કાર છે. બલેનો દેશની પોપ્યુલર હેચબેક કારોમાંથી એક છે. આ કારની ખરીદી પર 35000 રૂપિયા સુધીનું ડિસ્કાઉન્ટ મળી રહ્યું છે.
મારૂતિ સુઝુકી સિયાઝ
આ કંપનીની ફ્લેગશિપ સિડાન કાર છે. ભારતમાં હોન્ડા સિટી જેવી કાર સાથે તેની ટક્કર છે. આ કાર ખરીદવા પર 40,000 રૂપિયા સુધીનું ડિસ્કાઉન્ટ મેળવી શકો છો. સિયાઝ દેશની સૌથી લોકપ્રિય સિડાન કારમાંથી એક છે.
મારૂતિ સુઝુકી ઈગ્નિસ
આ કારનું ફેસલિફ્ટ વર્ઝન ઓટો એક્સ્પો 2020માં રજૂ કરાયું હતું. જો તમે આ મહિનામાં મારુતિ સુઝુકી ઇગ્નિસ ખરીદો છો તો તમને આ કાર પર 45,000 રૂપિયાની છૂટ મળી શકે છે. તેમાં 20,000 રૂપિયાનું કેશ ડિસ્કાઉન્ટ, 15,000 રૂપિયાનું એક્સચેન્જ બોનસ અને 5000 રૂપિયા કોર્પોરેટ ડિસ્કાઉન્ટ મળશે.