યુપીટીઈટીની પરિક્ષા રવિવારે( 28 નવેમ્બર) થવાની હતી. આ મામલામાં અત્યાર સુધીમાં 26 લોકોની ધરપકડ કરવામાં આવી છે. યુપીટીઈટીએ પ્રયાગરાજ, લખનૌ કૌશાંબી, મેરઠથી લઈને ગોરખપુર અન વારાણસીમાં રેડ મારી છે. યુપી એસટીએફે આ મામલામાં 2 સોલ્વર ગેંગના સરગનાની પણ ધરપકડ કરવામાં આવી છે. ત્યારે પેપર લીક મામલામાં સીબીઆઈ તપાસની માંગને લઈને અરજી દાખલ કરવામાં આવી છે. તેમજ તેમાં સંડોવાયેલા અધિકારીઓના રાજીનામાની માંગ કરવામાં આવી રહી છે. સાથે સાથે અભ્યાર્થીઓને પેપર રદ્દ થતા થયેલા નુકસાનના વળતરની માંગ કરવામાં આવી છે.
પ્રયાગરાજથી સૌથી વધારે ધરપકડ
યૂપી એસટીએફના આ મામલામાં સૌથી વધારે પ્રયાગરાજથી 16 લોકોની ધરપરકડ કરવામાં આવી છે. જેમાં પ્રયાગરાજના નૈની વિસ્તારમાં સોલ્વર ગેંગના સરગના રાજેન્દ્ર પટેલ અને બિહારના સોલ્વર સહિત 8 લોકોની ધરપકડ કરવામાં આવી છે. ઝૂસી વિસ્તારમાંથી 3 અને જોર્જટાઉનથી 5 લોકોની પોલીસે ધરપકડ કરી છે.
50-50 હજારમાં 50થી 60 અભ્યાસાર્થીઓને વેચ્યા પેપર
પોલીસના જણાવ્યાનુસાર કૌશાંબીથી ઝડપાયેલ રોશન સિંહ પટેલે ટીઈટીની પહેલી પાલીનું પેપર લીક કર્યુ હતું. જ્યારે મેરઠથી પકડાયેલ મનીષ રવિ અને ધર્મેન્દ્રએ બીજી પાલીનું પેપર લીક કર્યુ. આમની ગેંગમાં અનેક લોકો સામેલ છે. જેમણે બીજી પાલીના પેપરની 5 લાખમાં 10 હજાર કોપી લીધી હતી. બાદમાં આને 50-50 હજારમાં 50થી 60 અભ્યાસાર્થીઓને વેચી દીધી.
યુપી એસટીએફને ચિત્રકુટના રહેવાસી રોશન પટેલની પાસે પહેલી પાલીના પેપર મળ્યા. રોશન ચિત્રકુટના મંઝનપુર તાલુકામાં લેબ ટેક્નીશિયન છે. રોશનને લખનૌમાં કોઈ વ્યક્તિએ પેપર પુરા પાડ્યા હતા. જેને લઈને તે કૌશાંબી જઈ રહ્યો હતો. યુપી એસટીએફે ઝૂસીથી શિક્ષા વિભાગમાં મદદનીશ પ્રોફેસર સત્ય પ્રકાશ સિંહની ધરપકડ કરી છે. તેમના વોટ્સએપ પર ટીઈટીના સોલ્વ પેપર યુરી એસટીએફને મળ્યા છે.